أكد أمير عزمي مجاهد المدير الفني للسكه الحديد، أن طريقة لعبة الزمالك لاتناسب بعض لاعبي الفريق، ولابد من تغييرها.
وقال أمير عزمي مجاهد في مداخله هاتفية ببرنامج زملكاوي عبر قناة الزمالك: ” كنت بشاهد مباراة الزمالك من الاستاد، وصوتي رايح بسبب التشجيع هو انا ورايا حاجه غير الزمالك”.
واضاف: “مكنتش اتمنى الاجواء تحصل في ماتش السكه والترسانه، والـ3 نقط يفرقوا في مسيرتنا وربنا يكرمنا”.
وشدد مجاهد:” النهارده الزمالك مجاش المباراة غير اخر10 دقايق، الزمالك عنده مشكله في البطئ في انهاء الهجمه، ومكنش في خطوره على المقاولون”.
وواصل:” انت بتلعب بطريقه مش ماشيه مع البعض انت بتحتاج في طريقه 3-4-3 جناح مش مدافع، والشوط الاول اللعب من جانب المقاولون كان من الجبهه اليمين للزمالك”.
واردف مجاهد: “شيكابالا عنده ميزه في نقل الهجمه، الزمالك كان عنده بطئ غير طبيعي، يوسف حسن لاعب دولي ومستقبله هيبقى كويس لكن الضغط الموجود فيه الزمالك مأثر عليه، ويكون تغييره افضل وانت بدايه الشوط الثاني بتغيره وبتنزل الجزيري، مانا ابدا بالخبرات، انت بتخسر التغييرات كلها الشوط الثاني ليه مبداش صح”.
وتابع:” انت عندك دونجا والسيسي وامام اشتغل بطريقه4-2-4، لان بعض اللعيبه طريقة3-4-3 مش ماشيه معهم، عمر جابر بيظلم هو باك رايت كويس، ومش معنى كسبت ماتش بخطه هتنجح بكل الماتشات، الزمالك عنده لعيبه تقدر تطبق طريقه4.. 2.. 4″.
واشار عزمي:” كنت قاعد مع امير واوباما في المدرجات، انت لازم تلعب4-4-2 انت بتعمل تغييراتك مركز بمركز ونفس طريقه اللعب، كل مدرب ادرى بفرقته، لكن الزملكاويه زعلوا لوكنت كسبت وتعثر الاهلي كنت هتتصدر انت”.
واختتم: الدوري صعب جدا والمستويات متقاربه والفرق كلها مدعمه كويسه ومتقدرش تحدد مين هياخد الدوري من الدور الاول، بامانه الله بحيي فريق المقاولون لانهم عندهم فريق كويس ومنظم واجانب مميزين ولعبت قدام خصم مش سهل وطريقة اللعب طمعت المقاولون فيك”.
