فجر طارق يحيى مقدم برنامج زملكاوي، مفاجأة مدويه بشأن طاقم تحكيم مباراة الأهلي وطلائع الجيش بالدوري، والتي شهدت إثارة للجدل لاحتساب ركلة جزاء للاحمر مشكوك في صحتها.
وقال طارق يحيى في تصريحات تليفزيونيه ببرنامج زملكاوي عبر قناة الزمالك:” هناك موضوع شائك كنت لا احب ان اتحدث فيه، وهو ماحدث في مباراة الجيش والاهلي من طاڨم التحكيم”.
واضاف: “هتكلم عن ماحدث بين وائل فرحان حكم الڤار ومحمد عادل حكم الساحه في مباراة الاهلي والجيش، تم اخطار فرحان انه موقوف لانه اعترض على ضربة الجزاء”.
شدد يحيى:” وائل فرحان قال ان محمد عادل مسمعش كلامي، ومبصش على اللعبه، وعادل لم يستمع له ومشافش لعبة ضربة الجراء”.
واكمل:” حصل نقاش بين وائل فرحان ومحمد عادل واتوقف فرحان تخليوا، ولجنة التحكيم لم تحط لعبه ضربة الجزاء كما كان تفعل سابقا بنشر الحالات التحكيميه بفيديو عبر صفحة الاتحاد، لانهم حاسين انهم غلطانين لم ينشروها”.
وأردف يحيى: “وائل فرحان رجل ودكر وقال ان محمد عادل علشان يرضيه راح جري ورجع مراجعش اللعبه، لانه اخد قراره انها ضربة جزاء”.
واوضح:” مليش علاقه بالمنافس، دي معلومات عندي ووائل فرحان اتظلم، وحصل نقاش حاد ومحمد عادل قاله لا انا واخد قراري، فرد فرحان طب روح شوف ولكنه رفض”.
واشار:” ده لصالح مين، لجنة التحكيم ماحدث مهزله، الفار يقولك شوف اللعبه تروح تأديه واجب، بقولكم المعلومات دي حصلت، وعندي الكثير لو ثبت ان وائل فرحان اتوقف، هطلع اتكلم فيماهو اعظم”.
واستطرد يحيى: “ايه الظلم والتهريج ده، انت قعدته في الڤار ليه علشان عنده ضمير وبعد يومين توقفه علشان محمد عادل نفذ قراره، مسابقه ايه دي فين تكافؤ الفرص والمهنية، اول مرة اشوف الحكم واخد قراره قبل الفار وده الاحتواء بعينه بقى”.
واختتم:” الكلام اللي طالع هنعلن اخطاء الحكام واي حكم هيعلط هنقول، اشمعنى المباراة دي سكتم بكتم، لو وائل فرحان اتعرض للايقاف هطلع مكالمات ومحادثات انتم في غنى عنها، اشمعنى هنا بطبق لوائح وهنا لا ربنا يسهل ويعدي الدوري على خير بس يكون في عداله”.
