حسم فرج عامر رئيس نادي سموحه، موقفه من عودة محمود شبانه للزمالك في يناير وقطع اعارته للفريق السكندري، وشدد انه من الوارد ان يضم حسام حسن لاعب الأهلي بالإننقالات الشتويه القادمة.
وقال فرج عامر في تصريحات تليفزيونيه ببرنامج اللعيب غبر قناة إمبي سي مصر: “قعدت مع طارق العشري من أجل تحفيزه قبل مواجهة الأهلي، هو مدرب ممتاز ونساندهم بكل قوه وبندعمهم”.
وشدد:” مباراة الاهلي صعبه جدا، ومحتاجين توفيق ربنا، المنطق الاهلي احسن مننا بكتير، والكره ممكن يحصل فيها اي حاجه، اي نقطه سموخه بيخسرها بزعل عليها، انا اهلاوي ايوه لكن انا مسئول عن سموحه قدام ربنا”.
واضاف عامر: “وارد ضم حسام حسن في يناير ولو وافق هيكون لنا الاولويه في التعاقد معه، لانه متربي في سموحه، ولو وافقوا على اعارته وارد يكون معنا، المرحله دي لاتحتمل المخاطره عاوزين نعدل ولذلك ولابد ان نكون واثقين من الصفقات لذلك وارد نتعاقد مع لاعبين من الأهلي”.
واردف:” لو الزمالك طلب محمود شبانه من حقه، لكن يرجع لنا فلوسنا، ومفيش مشكله في قطع الإعارة بنحترم تعاقدتنا”.
واشار عامر: “اجايي امامه 3 او4شهور للعودة، ومحتاجين ندعم خط الهجوم، ويكون في عناصر خبره اكتر من كده وبعض الشباب لمساعدة كابتن طارق”.
وأكد:” الموسم الجاي هنافس على الدوري، قبل ما ارحل عن النادي كان لدي فريق قوي جدا، ولديهم القدره على المنافسه على الدوري
واكمل:” الموسم الجاي هنكمل الفريق ببعض العناصر الشابه، هنكون منافس قوي جدا، وشايف شباب اقدر اجيبها هيكونوا نجوم بس مينفعش تيجي في نص الموسم، الان يجب ان اضم عناصر خبره تقود الفريق، لدينا ثغره في الهجوم ونصف الملعب
واختتم: “لم اتحدث مع احمد سامي وهو سعيد في سيراميكا كليوباترا واشعر بالسعاده من اجله ان حقق النجاح، كابتن طارق معه جهاز كويس وفي ضهره وهنعمل نتيجه كويسه، واتمنى الفوز على الاهلي”.
