هاجم الإعلامي خالد الغندور نظيره أحمد شوبير، وذلك بعد مباراة الأهلي وسيراميكا كليوباترا والتي انتهت بالتعادل.
وقال خالد الغندور في تصريحات تليفزيونيه ببرنامج زملكاوي عبر قناة الزمالك: “ضربات الجزاء مش بعددها ولكن بصحتها، الاهلي اتحسب له4 ركلات ترجيح ولاواحده فيهم اتحسبت بنسبه صحة100٪، الكرة اليوم في مباراة سيراميكا لها زوايه وضحت انها ليست ركله جزاء وزاويه اخرى فيها تلامس”.
وشدد:” اكيد من غير ما اسمع المحلل التحكيمي في القناة اللي عندها الاستديو، هيقول ضربة الجزاء صح واكيد الاهلي له ضربة تانيه”.
إقرأ ايضا.. بعد التوقيع الرسمي.. مرتضى منصور يكشف تفاصيل عقد رعايه الزمالك الجديد
واضاف الغندور:” انا مش هقول اسماء علشان بيقولوا اننا منحازين رغم ان ده طبيعي لاننا في قناة فئويه، الاعلامي الكبير عد الوقت الضائع لمباراة الاهلي وفاركو علشان يثبت صحة هدف الأهلي”.
وواصل:” يا اعلامي ياكبير اعملها النهارده ولاعبي سيراميكا رايحين انفراد على الشناوي والحكم صفر والدقيقه95و26 ثانيه، ممكن الهجمه تخلص في20 ثانيه يعني كان يجب الهجمة تكمل ولكن ابراهيم نور الدين صفر قبل انهاءها”.
واردف الغندور:” ايه رأيك يا اعلامي ياكبير يا كابتن لو الهجمه دي للاهلي والحكم مصفرش، وايه رايك ان الهجمه والكورنر بتاع الاهلي كان الوقت خلص”.
وأختتم: للاعلامي الكبير كرة القدم مش سله ومش لازم احسب كل الوقت”.
