“لوشوفتك كنت هأكلك عَلقة”.. مرتضى منصور ينفجر على الهواء في وجه شوبير ويهدد الشركة المتحدة بسببه
فتح المستشار مرتضى منصور رئيس نادي الزمالك، النار على الإعلامي أحمد شوبير، لتصريحاته المستمره ضد الفارس الأبيض، وهدد الشركة المتحده بسببه.
وقال مرتضى منصور في مداخلة هاتفيه عبر قناة الزمالك:”الواد احمد شوبير ده ميتقالش عليه في قناة الزمالك المحترمه كابتن اواستاذ لايتقال عليه واد، كل الطرش اللي طرشه بلغت الشركه الراعيه به”.
وشدد؛ “اقسم بالله لواستمر مافي كاميرا عندك هتخش ماتش للزمالك، انا مكنتش برد عليه، جاي له يوم الجمعه في القناة هفضحه قدام مصر ومراته”.
وتابع مرتضى:” انت مين يالا انت شوفتني في العزا جريت علشان جبان، ولو كنت شوفتك كنت هاكلك علقه، من النهارده يجهز نفسه للجمعه الجايه”.
واضاف:”شوبير بيكلم على الوردي واصابة نداي يقول لا مالي، لا انت رخم، انت مطرود من طنطا وهبه مسحت بكرامتك الارض، لوانت رجل يا احمد ياشوبير اسال الخطيب اخد كام من تركي واساله عاور تقرير صندوق تحيا مصر انهم استلموا الساعات والبلاغ اللي قدمه تركي ضد الخطيب”.
واردف مرتضى:” انت هتنطط، احترم نفسك هي دي قناة امك ولا اذاعه امك، خليك محترم ومؤدب، اوعى تفتح بوقك النهارده بعت كلامه للشركه المتحده انتم موافقين على ده يبقي مفيش رعايه ولا بث”.
وواصل:” هو انا لسه وقعت عقد الرعايه علشان تسألوا قيمته كام، وتقول مش من حقي اتعاقد لمده20 سنه، ياغبي، القانون واضح اذا كنت عاوز مده اكبر لازم موافقه الجمعيه العموميه والوزارة، انت بتكلم أكبر محامي في مصر”.
واكمل: “الواد ده بيعمل فتنه وقولت للدوله، لو رجل قول اخدت عموله كام صلاح محسن، مش انت رجل؟، احنا مش بنخبي حاجه كارتيرون مشي في الوش ومصطفى فتحي، انت بتحرج الشركه الراعيه ولنا20 مليون عندهم ومفيش معهم فلوس”
واوضح مرتضى: “انت وجودك في القناة و الاعلام وصمه عار، وسافرت السعودية انت وزوجتك وقالت لتركي مفيش ساعات لنا ياولي النعم، اختشي على دمك وعيب، في ناس محميه وهو واحد من المحميين، مش معقول كل يوم اشتكي للشركه الرعيه ازاي عاوز ترعاني ومطلع واحد يهد فيه”.
واكد:”الاهلي في مصايب وشطب هناء حمزه وابراهيم عيسى اه لوكنت انا، انت متتكلمش وحط الجزمه في بوقك، كل يوم بشتكي وبيزيد، هو كاسر عين مين، مين حامي الـ3 شوبير وعباس والخطيب، وبنتصرف في الفلوس يمين وشمال،
واشار مرتضى:” واحد طايح في الاعلام وواخد في رجله سمير عثمان والشناوي، بدل ماتقول للشركه الراعيه ادفعوا اللي عليكم، وانا مقدر ظروفهم وبتصرف من اماكن تانيه، مال امك بنادي الزمالك، نعمل عقد، نبيع لاعب انت مال امك واللي مش عجبه يشرب من الخرارة”.
واسترسل: “كنت مانع دخول الكاميرات بكره لكن الشركةالراعيه قالتلي هنشوف الموضوع، شوبير بيهد حيل نادي باكاذيب وبيقوم نادي تاني باكاذيب، لوانا كنت اخدت بالي منك ف العزا كنت هاكلك علقه
واختتم:” الازمة الماليه انتهت للابد وده اللي تعبه وازاي مرتضى يعبر المحيط وهو مكتف وبشكر رئيس الوزرا اللي بيتابع يوميا، بتكسب في كل الفرق رجاله وستات وربنا يوفق ولادنا بكره، ازاي بترعاني وعندك موظف بيقل ادبه علينا كل يوم”.
