أكد طارق يحيى مقدم برنامج زملكاوي، أنه من الوارد ان يغضب منه المستشار مرتضى منصور رئيس تادي الزمالك، بسبب انتقاده للبرتغالي جيسفالدو فيريرا المدير الفني للفارس الأبيض،
وقال يحيى في تصريحات تليفزيونيه،” كولر اشاد بجمهور الزمالك، حاجه سعدنا بها، وهو حاسس ان جمهور الزمالك في ضهر فرقته على عكس جمهور الأهلي اللي بيقل من مباراة لأخرى، دي شهاده من هناك كولر نفسه”.
وشدد: “جمهور الزمالك الف شكر، كولر قال بالبلدي كده جمهور الزمالك هو مفعول السحر، وبيطالب جماهيره بالاقتداء بهم مفيش أحسن من كده المنافس بيشيد بالجمهور”.
واضاف يحيى:” ممكن المستشار مرتضى يزعل مني بسبب كلامي، لان ممكن ده مش فكره لانه بيساند فيريرا بشكل كبير جدا، انا بتكلم اللي في قلبي، انا بقول اراء فنيه هو في احسن من دونجا والسيسي وسامسون وباقي اللاعبين، مش عاوزين تأليف والجمهور يبعد عني استغل دعم الادارة والجمهور علشان نكسب”.
واختتم: “فريق الزمالك خسارة بالاسكواد ده مياخدش كل البطولات الموسم ده”.
