مرتضى منصور: كارثة حدثت لفريق الزمالك داخل الأهلي.. وفي إنتظارهم بالنادي للرد!!

كشف المستشار مرتضى منصور رئيس نادي الزمالك عن كارثة حدثت لفريق شباب الفارس الأبيض لكرة الطائرة داخل الأهلي،وشدد في انتظار قدومهم للنادي وسيتم استقبالهم بكل ترحاب.

وقال مرتضى في مداخله هاتفيه ببرنامج زملكاوي عبر قناة الزمالك: “في كارثة حصلت لفريق ولاد15سنه للكرة الطائره بالزمالك انضربوا واتشتموا واتهانوا داخل الأهلي اثناء مباراة للفريقن،رغم انهم كانوا عندنا واستقبلتهم بنفسي وسلمت على العامري فاروق”.

واضاف:”دخلوا جمهور الاولتراس وشتموا الزمالك ومرتضى، وانت جايلي الاسبوع الجاي بس هقابلكم باحترام، ودول ضيوف عندك وانضربوا جوه الاهلي انا مش هسيبك ياخطيب”.

وشدد مرتضى:” كلمت رئيس اتحاد الطائرة وقال التقرير جالي من الحكم، ولن نقف مكتوفي الايدي ضد البلطجه”.

وتابع:” لعيبتي تنضرب وامهاتهم يضربوا في الاهلي وفريق الطائره عنده مباراة بالزمالك وهقابله باحترام واهلا بهم وهنستبقلهم احسن استقبال، ياخساره با اهلي يانادي القيم والمبادئ اللي كسرها الخطيب”.

واختتم مرتضى: “اقسم بالله ياللي حامييه لو ماوقفته عند حده هطلع اقول انت مين، ومستني رد وزير الرياضه على اللي حصل لفريق الزمالك، مين الخطيب ده اللي روحت له البيت علشان يلعب ماتش ومن يومها اتفرعن”.