أكد المستشار مرتضى منصور رئيس نادي الزمالك، إنه لن يقبل مطلقا بتأجيل مباريات الفارس الأبيض في الدوري، بسبب مشاركه الأهلي في كأس العالم للأنديه.
وقال مرتضى في تصريحات تليفزيونيه عبر قناة ازمالك:” عامر حسين بيقول الدوري هيتاجل علشان مشاركة الأهلي في كأس العالم للأنديه، وانا بقوله على جثتي، ومش هيحصل طول ما مرتضى منصور موجود، مفيش تأجيل لمباريات الزمالك، والدوري هينتهي في ميعاده”.
واضاف: “عاوز اعرف الصحفات اللي بتشتم هيقولوا ايه بعد الفوز الكبير على الحرس، الزمالك بيكسب بجهده بالملعب، ومافعله طارق مجدي في مباراة الاهلي فاق الوصف، انت حسبت 6 دقايق زودت دقيقة ونص من عندك لحد ما يكسب يعني”.
وشدد مرتضى:” طارق مجدي اكتر من سيد عبد الحفيظ في اهلاويته، لحد امتى المجاملات دي، لا الاهلي محتاج ده ولا تاريخه”.
واردف: “في صفحتين في منتهى قلة الادب والسفاله متزملكين، فرق الصالات كلها بتكسب وبيشتموا احمد مرتضى، وكلهم لجان العتال وسليمان”.
واوضح مرتضى:” بقول لجمهور الاهلي كل ارقام الرعايه اللي بيقولها الخطيب اونطه، بيكدب على جمهوره”.
واشار: “في 3 اعلامين بيهدوا في الزمالك، شبانه ومعه أحمد الخضري، ومهيب عبد الهادي اللي بيهبد معه مدحت عبد الهادي، وهبه هانم ومشغل معه سامي الشيشييني، هاخد قرار مع الـ3 احمد الخضري ومدحت عبد الهادي والشيشني”.
واختتم:” اقوله تعالى يامدحت اشتغل في القناة يرفض، ويروح يشتغل مع مهيب اللي بيهبد، حازم امام وايمن يونس وحسن شحاته موقفوش مع الزمالك في ازمته”.
