أوضح المستشار مرتضى منصور رئيس نادي الزمالك، إنه لا يمانع في قبول التفاوض لتقسيط عقوبة الغرامة المالية الموقعة على الهارب محمود عبدالمنعم كهربا، لاعب الأهلي.
واشترط مرتضى منصور، اعتراف اللاعب على تحريض مسؤولي النادي الأهلي له، للرحيل عن القلعة البيضاء قبل نهاية عقده بموسم واحد.
وأضاف مرتضى في تصريحات لقناة الزمالك: “كهربا زهق من تصرفات مجلس إدارة الأهلي، كل شوية وعود وعود ومفيش حاجه بتحصل ولا حد هيدفعله جنيه واحد حتى”
وتابع منصور: “الواد جاله كهربا في دماغه بسبب تصرفاتهم، ومش لاقي حد يقف معاه في مبلغ الغرامة، بس أنا ممكن أساعده”.
وأوضح رئيس الزمالك: “بقوله أقسم بالله ياكهربا لو انا مكانك أطلع اتلكم وأقول، ولو كهربا أعترف أن النادي الأهلي حرضه على الهروب من الزمالك، هنقف جمبه ونساعده في دفع الغرامة”.
وأكمل “مرتضى” :”هنستقبل كهربا أحسن استقبال لو اعترف أن الأهلي حرضه، ومعندناش مشكلة وقتها نوافق على تقسيط الغرامة كمان، وأنا قولت قبل كده لو العلاقات المحترمة بين الناديين وطلبوا نقعد ونتكلم بشأن تقسيط الغرامة هوافق”.
