فتح المستشار مرتضى منصور رئيس نادي الزمالك النار على الحكم طارق مجدي حكم لقاء الأهلي أمام فاركو بسبب احتساب الوقت الضائع للقاء، مشيرًا إلي أنه بصدد إصدار قرار بوقف ثلاثة من النجوم الإعلامية التابعين لنادي الزمالك.
وقال “مرتضى” :”عايز أعرف الصفحات اللي بتشتم هيقولوا ايه بعد الفوز الكبير على الحرس، الزمالك بيكسب بجهده بالملعب”.
وأشار:”ما فعله طارق مجدي في مباراة الأهلي فاق الوصف، انت حسبت 6 دقايق زودت دقيقة ونص من عندك لحد ما يكسب يعني”.
وأضاف “مرتضى” خلال الفيديو الذي نشرته قناة “الزمالك” :”طارق مجدي اكتر من سيد عبد الحفيظ في اهلاويته، لحد أمتى المجاملات دي، لا الأهلي محتاج ده ولا تاريخة”.
وتابع :”في صفحتين في منتهى قلة الأدب والسفالة متزملكين، وهم فرق الصالات كلها بتكسب وبيشتموا أحمد مرتضى، وكلهم لجان العتال وسليمان”
وأوضح :” بقول لجمهور الأهلي كل أرقام الرعاية اللي بيقولها الخطيب أونطه، يكذب على جمهوره”
وأكمل “مرتضى” :”فيه 3 إعلامين بيهدوا في الزمالك، شبانه ومعه أحمد الخضري، ومهيب عبد الهادي اللي بيهبد معه مدحت عبد الهادي، وأحمد شوبير ومشغل معاه سامي الشيشيني، وهاخد قرار مع الـ3 أحمد الخضري ومدحت عبد الهادي والشيشيني”.
مفاجأة.. الاتحاد يعلن موعد انتقال نجم الفريق للزمالك.. وحقيقة قطع إعارة محمود علاء
واستطرد “مرتضى” بقول لـ “مدحت عبدالهادي” تعالى اشتغل في القناة يرفض، ويروح يشتغل مع مهيب اللي بيهبد، حازم إمام وأيمن يونس وحسن شحاته موقفوش مع الزمالك في أزمته”
