كشف المستشار مرتضى منصور رئيس نادي الزمالك، حقيقه اجتماعه مع ياسين منصور رئيس شركة الكره بالأهلي السابق بشأن تجديد عقود بعض المَحال في سور النادي.
وقال مرتضى منصور رئيس نادي الزمالك في تصريحات عبر فيديو تم بثه بقناة الزمالك: “قالوا قعد مع ياسين منصور واتفق معه وازاي يعمل كده، واي قلة ادب”.
واضاف:” ياحمار ياسين منصور متعاقد مع ممدوح عباس من2006، كان واخد8 محلات بالف جنيه في السنه، واخدت حكم ضده وطردته، مش عاوزين نقل ادبنا”.
وشدد منصور:” جالنا مبلغ محترم من بنك الاستثمار بعد تجديد عقود تأجير المحلات، وهيكفي المرتبات وكل مستحقات الفرق الرياضيه”.
واردف: “كل الفرق هتاخد مستحقاتها،ومدربين قطاع الناشئين اللي ماخدوش مرتباتهم من3 شهور، ومش ياسين منصور اللي حل الازمه زي ماقالوا”.
واوضح مرتضى:” في2013 ممدوح عباس اخذ قرض من البنك التجاري الدولي بـ8 مليون و400 الف لبناء المبنى الاجتماعي، وكانت الفائدة 600٪، ودفعتهم 22 مليون جنيه، وانا من قام ببناء المبنى، وكان واخده بضمان قيمة إيجار محلات للبنك الأهلي “.
وواصل:” نفس قصة حسين لبيب بيب بيب ابو بنطلون فسدقي، اخد قرض بـ70 مليون جنيه سددها من الاشتراكات اللي كنت هلمها لما رجعت، احنا في مصيبة”.
واختتم: “عباس أخذ قرض آخر بقيمة3 مليون و200 الف بشيك بدون رصيد لجهة سياديه علشان ملاعب الناشئين، وانا اللي عملتها برده، اول امبارح جالي جواب من جهه سياديه عاوزين الـ3 مليون اللي اخدهم عباس من9 سنين”.
