مرتضى منصور يُعلن موقفه من فيريرا بعد تعادل الزمالك مع المصري.. ويوجه رساله ناريه للجمهور

اعلن المستشار مرتضى منصور رئيس نادي الزمالك، موقفه من البرتغالي جوسفالدو فيريرا، المدير الفني للفريق الاول لكرة القدم، وذلك بعد التعادل أمام المصري بالجوله الخامسه من مواجهات الدوري، ووجه رساله ناريه للجمهور.

وقال مرتضى منصور في مداخله هاتفيه ببرنامج زملكاوي عبر قناة الزمالك: “حزين زي كل الجمهور، بس اتدخل ولا لا، اقفل الباب ولا افتحه، والعيال تجعر و يقولوا بيزهق الرجل، كل واﺣد له راي وبيدخل ويجيي رئبس النادي يكلم ده بيدمر الفريق هو انا اللي بعمل التشكيل ولا امير ولا اسامه والا الجهاز المعاون؟”.

واضاف:” التشكيل والتغييرات مسئوليه كامله لفيريرا اخطئ بيتحمل المسئوليه ولما يفوز بيرفع على الاعناق”.

وشدد مرتضى:” لما بدخل بتعيطوا، انا معكم في الحزن والزعل، انا اقدر اقوله تعالى شوف الناس بتقول ايه، لا مش سلطتي ولا وظيفتي، لما اقوله كده هكون بدخل في شغله، جمال عبد الحميد اتكلم كلمتين في ستديو تحليل فني وقالوا شوفوا بيطفشوا الرجل”.

وواصل:” الزمالك نادي كره انا شايف كل اللي الناس شايفه، لكن انا مينفعش اقول لو اتكلمت انت جاي تطفشه رغم ان انا اللي جايبه وتعاڨدت معه، ياجماعه هطق وزعلان لان واحد منكم لكن لا انا رئيس النادي مينفعش اقول”.

واكمل مرتضى:” امير لايجرؤ يقول لفريرا ليه التشكيل ده، ولا ليه بتلعب ده ليه، انا بدعم فيريرا، وفي كبوه لازم نستفيد منها، ومن لايتعلم من اخطائه لاينجح”.

وزاد:” هو محمد عبد الغني وفتوح مضروبين بالرصاص كل ده غياب، بندعم فيريرا لكن يستفيد من الاخطاء اللي الدنيا كلها قالت عليها ما عدا انا علشان في كلاب ضاله”.

واستطرد:” انا المطلوب مني اجهز له كل الامور، انا جهزت له فريقين انت مش عاوز تسنفيد منهم انت حر، انا جبت لك 11 لاعب غير اللي كانوا موجودين المفروض متخسرش ولا نقطه”.

واختتم: “انا قولت القادم اسوء وسايبين ممدوح عباس طايح، ياجمهور الزمالك العظيم اقفوا وراء فريقكم وخلف فيريرا، انتم افقدتوا بعض اللعيبه الثقه في نفسهم، انتم طفشتوا محمود علاء، انا قاعدبادور على جنيه ادفع المرتبات والدوله بتتفرج على عباس”.