كشف المستشار مرتضى منصور رئيس الزمالك، حقيقة وجود ارصدة للنادي في البنوك المصريه غير المحجوز عليه من قبل ممدوح عباس رئيس القلعه البيضاء السابق وكذلك الإعلامي أحمد شوبير.
وقال مرنضى منصور في مداخلة هاتفية ببرنامج زملكاوي عبر قناة الزمالك: “وصلت لمرحله للقرف، لواتكلمت هقلب مصر، انا زهقت مش معقول اطلع اقول نفس الكلام كل اسبوع، و200 مليون مشاهده للبرنامج”.
واضاف:” انا مش ممنوع من الظهور في القناة، انا زهقت مش معقول كل يوم في المحكمة الاقتصاديه والعجوزه وبلاغات وقضايا، انتم مش بتهدوا حيل مرتضى انتم بتهدوا حيل نادي”.
وشدد مرتضى:”ممدوح عباس قال في حسابات اخرى في بنوك، وتم عرض خطابات من عدد من البنوك منها البنك الأهلي و لايوجد جنيه للزمالك و بنك ساييب الرصيد صفرو المصرف المتحد الرصيد 39 الف، والبنك التجاري مديونين 328وبنك الاسكان والتعمير75 جنيه
وبنك مصر47 مليون اللي محجوز عليه من ممدوح عباس و335 دولار يورو4891″.
واكمل:” اطلع خليك رجل وقول مين حاميك، ادي الملايين اللي بتقول عليها، وياشوبير احترم نفسك وخليك محترم وارفع قضايا كما تشاء، اتحدى من الحجز اكون سحبت جنيه لانه حاجز على الكل”.
واوضح مرتضى:” انا اثبت انه كداب وهي مؤامره حقيره انا مجتش علشان قرفت، عملت مداخله علشان تعرفوا ان محدش منعني لكن في حالة قرف وقولت الكلام كتير، انا قليل الادب بتتفرجوا علي ليه”.
واردف: “ياجماعه الزمالك نادي كبير وعظيم لايقل على الاهلي والاتحاد والاسماعيلي اللي بيترنح، الاوليمبي وقع مطلعش اللي بيقع مبيطلغش ليه عاوزين تهدوا الزمالك، 5000 الف اسره في رقبتي اي حوالي30 الف شخص بفكر ازاي اوفر لهم مرتباتهم”.
وزاد:” فجأة قضايا الخطيب تتحرك، واخد سنه سجن ومش عاوز اتكلم والـ11 قضيه يروحوا عند نفس القاضي، ياجماعه في تربص، وهظل هقول القضا شامخ
مهما اشوف هفضل ساكت واقول
واستكمل: “لما اقول ان بخشى الناس تنفجر وقالوا هو مسلط فريق اليد انا فوجئت بالخطاب ولاعب الطايره لعبه قدم شكوى. وده حقه، حق كل الفرق اللي مقبضوش من 4شهور وكله بيتفرج اصل ده ممدوح عباس اللي بيشغل ولاد المسئولين، ردينا عليك اهو رغم ان قرفان
واختتم:” انا مش حرامي مسرقتش حد وماخدتش فلوس لناديه وخبيتهم، لازم الناس تفوق ولوكنت ظهرت كنت هحكي واللي بيزعل يزعل لامش كده”.
