أكد الإعلامي خالد الغندور، ان الهارب محمود كهربا لاعب النادي الأهلي، يحق له المشاركه، ولكن بشرط دفع الغرامة كاملة للزمالك.
وقال خالد الغندور في تصريحات تليفزيونية ببرنامج زملكاوي عبر قناة الزمالك: ” الفيفا ارسل خطاب لاتحاد الكرةبيؤكد ان كهربا موقوف لحين دفع 2 مليون دولار للزمالك، والمستشار مرتضى عمل فيديو للحديث عن موضوع كهربا هيتذاع في وقت لاحق”.
وشدد:” الاعلام منهم المنتمي للنادي الاهلي، والاخر كاره لمرتضى، والاخر لديه قناة علي اليوتيوب ويثير الجدل وكاره للزمالك وخالف تعرف واقول اللي انا عاوزه”.
واضاف الغندور: “محامي كهربا وهو تونسي وبيتواصل مع اعلاميين كتير وبيقنعهم انه مش هيتوقف بعت للفيفا يسالهم امتي يلعب، فرد الفيفا ان كهربا من تاريخ 26 ديسمبر حتى 11 يناير موقوف، دفع الفلوس يلعب مدفعش الايقاف بيجدد 6 شهورثاني تلقائيا”.
واردف:” بعض الناس قالوا اول لما الايقاف ينتهي ومدفعش يلعب، الفيفا اكدت ادفع الوقف ينتهي، ولو مدفعتش هتتوقف لحد ما تدفع، والزمالك يبعت جواب انه تسلم الغرامه كامله وقتها بيبعت جواب بالسماح له باللعب”.
واشار الغندور:”هنكلم بالعقل انا كنت بلعب في الزمالك وقولت عقدي مزور فرفعت قضيه علي الزمالك والزمالك رفع علي وقبل الموسم ماينتهي مشيت، وصحافه الاهلي قالوا كهربا انتقل للاهلي عند طريق كوبري وفوجئنا انه رايح البرتغال”.
وواصل: “عارفين كهربا كاتب في عقده مع النادي البرتغالي ايه، وده اثبت للفيفا انه في نادي تاني حرضه، كهربا في بند في عقده انه بعد توقيع العقدبـ7 ايام من حقه يفسخ عقده، ويدفع شرط جزائي، اذا الاهلي دفع للنادي الافيش”
واكمل:” اشمعنى كهربا دون انديه العالم اختار الافيش اللي اختفى، فكر بعقلك، البرتغاليين مش سهلين وازاي يكتب في عقده بند فسخ العقد، وسايب كهربا بيصيف في الساحل وهم بيلعبوا ومفيش منهم شكوى منه”.
واسترسل:” ايه يخلي النادي البرتغالي ياخد لاعب عنده مشكله ويتحمل كل ده، ومش مسنفيد حاجه ولابيلعب وبيفسخ عقده وهيروح في داهيه لو اتحكم ضده يبقى اكيد في استفاده “.
واختتم:” ايه يخلي كهربا يروح للنادي اللي اختفى وافلس، واختفى من الوجود بالبرتغال، اللي بيفكر بعقله هيوصل للحل، كهربا هيلعب قبل انتهاء مدة الايقاف بشرط هو دفع الغرامه كامله”.
