هل سيتم الحجز على غرامه كهربا اذا تم وضعها في حساب الزمالك؟.. مرتضى منصور يحسم الأمر
كشف المستشار مرتضى منصور رئيس نادي الزمالك،
حقيقة الحجز على غرامة الهارب كهربا لاعب النادي الأهلي، اذا تم ايداعها في حساب الفارس الأبيض المحجوز عليه من قبل ممدوح عباس رئيس القلعه البيضاء الاسبق.
وقال مرتضى منصور في مداخله هاتفيه ببرنامج زملكاوي عبر قناة الزمالك: “الهارب كهربا محدش بيكلم عليه في الاعلام، ويقول الهارب، لكن بس يقولوا هيلعب غصب عنكم، وهيشارك في كأس العالم للاندية”.
واضاف: “هل شوفت مذيع في اون بيقول عليه هارب؟، لكن الدبانه اللي شغال عند الواد المزور، يقولك هيلعب، وشوبير يقول عندي تأكيدات ان عقده مزور”.
وشدد مرتضى:” المحكمة قالت ان الاهلي مشارك بس مفيش مستند دامغ، الا لما هو يعترف انهم كان لهم دور كهربا عندي كان بيحترف في السعوديه، ومن سنتين مبيلعبش وصعبان عليه”.
واكمل:’اللي بيقول كهربا هيحط الفلوس في الحساب المحجوز عليه والزمالك مش هياخدهم، بعلمك القانون، الحسأب اتقفل على المبلغ اللي اتحجز عليه، واي فلوس جديده باخدها عادي، بفهم الجهلاء في فلوس دخلت واخدنها بشكل طبيعي، لان مجرد مابتعمل اقرار بالذمه الماليه وقت الحجز الحساب بيتقفل”.
واختتم: “جات المصيبة الضرايب بتبعت جواب للبنك تقول النادي المحترم عليه مديونيات وعاوزين المستحقات وبياخدها بدون حكم محكمة، عاوز ياعباس تتخانق مع الدوله اتخاتق”.
