بعد إعلان مرتضى منصور ..محمود فايز يكشف اسباب رفضه التواجد في الجهاز الفني للزمالك

بعد إعلان مرتضى منصور ..محمود فايز يكشف اسباب رفضه التواجد في الجهاز الفني للزمالك

كشف محمود فايز مساعد هيكتور كوبر السابق بمنتخب مصر، أسباب رفضه التواجد ضمن الجهاز الفني الجديد للزمالك بقيادة أسامه نبيه.

وقال فايز في مداخلة هاتفية ببرنامج “اللعيب” عبر قناة “إم بي سي مصر”:” الموضوع قتل بحث انا بشتغل ايه؟، وقالوا عني كتير محلل اداء وشويه مترجم وشويه مدرب وميعرفوش الرخص التدريبيه اللي حاصل عليها”.

واضاف:”انا صديق لكوبر واشتغلت كل حاجه مع المنتخب، انا معي رخصه برو من امريكا الجنوبيه وعملت معادله مع الاتحاد الاسيوي’.

وشدد فايز: “كابتن اسامه نبيه كان بيكلمني من فتره قالي لو في عروض تشتغل معايا قلتله اه وشرف لي،و انا مش بلوم على ادارة الزمالك في وضعها خطه تانيه انها تجهز بديل في حالة اخفاق فيريرا لانه الحظ لم يعد معاه”.

واردف:” لما اسامه كلمني قلتله سيبني افكر لان مرتبط بكوبر وفي عرض من منتخب ولازم اتكلم معه وشرف لي طبعا وسعدت بردود الفعل من الجماهير، ولكن بالفعل الوقت الحالي شايف مش هقدر اتواجد بالزمالك واعتذرت لاسامه، ولكابتن اسماعيل ان اشتغل مدرب عام في جهاز الزمالك”.

وواصل فايز: “انا كنت محتاج وقت للتفكير قبل الرد، الزمالك شرف لاي حد واكبر الانديه، لكن انا عندي اكثر من عرض وانا وكوبر بنتفاوض مع منتخب كبير مينفعش يصحى الصبح ميلاقنيش لان انا اللي بقود المفاوضات”.

واستطرد:” اكن للناس في الزمالك كل الاحترام وشرف كبير لي ان اترشح للتواجد في الزمالك،و شرف لي ان اسامه نبيه يثق فيه، هو مدرب كبير جدا وقريب هيدرب منتخب مصر، ومعرفش معه رخصه تقريباA اوبرو، لكن انا معي رخصه برو واقدر اشتغل في اي نادي بالعالم”.

واختتم:” الزمالك كان المكسب غير مقنع وفي اخطاء بتكرر، في مشاكل كتير فنية وبدنية، محمد طارق اختفى فجاة ونيمار، وعلامات استفهام كتير وفي حاجه غلط بالزمالك”.

تعليقات الزوار
close
close
Share via
Copy link
Powered by Social Snap