دافع أمير مرتضى منصور المشرف العام على الكرة بالزمالك، عن لاعبي الزمالك المنضمين بداية الموسم، وهاجم مواقع التواصل الإجتماعي بسببهم.
وقال امير مرتضى منصور في مداخله هاتفيه ببرنامج زملكاوي عبر قناة الزمالك: “اللعيبه بني ادمين احنا اللي بنفشلهم ونجحهم لما كل5 ماتشات نبدا نقيمه مش هينجح كل النماذج اللي نجحت اخدت وقت زيزو قعد سنه ماحرزش اهداف ومستواه تطور خلال 3 سنوات وتوهج، الناس تبص على امام عاشور انضم في 2019 الناس بدات تلاحظ ان في لاعب مميز من سنه”.
واضاف:” الونش تعرض لهجوم خلال سنتين في بدايته مع الزمالك وكانوا بيقولوا متهور ودلوقتي احسن مدافع في مصر، مفيش حد بينجح لوحده اللاعب بيحتاج تأقلم علي التواجد في فريق ومكان جديد، كان عندنا سوء نتائج وتوفيق ولو كنا كسبنا كل مباريات يناير مكنش حد اتكلم على اللاعبين”.
وواصل مرتضى:”الناس بتاخد وقت للتأقلم والانسجام المكسب وطريقة اللعب بيفرقوا، احنا من فتره مفيش طريقة لعب ثابته ولاتشكيل ثابت، انا مجبتش لاعب باسكت ولعبته كره قدم احنا جبنا ناس كانوا متألقين مع فرقهم، ولو قعدنا نقطع فيهم ونقول صفقة فاشله هيفشلوا”.
واكد: “ولو بنتعامل بالمبدا ده مكناش جبنا زيزو، وبن شرقي اللي كان بيلعب في نادي درجه تانيه في فرنسا وناديه في المغرب وفض يتعاقد معه تاني، لوكنا قيمنا كده مكنش انضم للزمالك، لكن هو لاعب كبير و من احسن المحترفين في مصر والزمالك”.
واوضح مرتضى:” كان مخاطرة انضمام 10 لاعبين جدد ومكنش في رفاهيه اننا منتعاقدش معهم بعد ايقاف القيد، وطبيعي فرقه كسب دوري وكأس الصفقات الجديد هتاخد وقت في الانسجام”.
واشار :” مفيش انهيار، الفرقه الموسم الماضي عملوا معجزه كان في16 لاعب ودخلنا 10 وده اخد وقت وهياخد وقت ومكنش في قدامنا غير كده، ومحدش يقدر ينكر ان الزناري كان احسن مدافع السنه اللي فاتت”
واسترسل: “في شعرة صغيره بين الفشل والنجاح انا مش بخلي نفسي من مسئوليتة الصفقات، اه انا اللي جيباهم، ولكن مفيش صفقة جت الا بموافقة المدير الفني، وهم بالنسبه لي مش وحشين ابدا علشان ارفع ايدي عنهم، اتهاجمنا قبل كده لما جبنا الونش وزيزو وتالقوا بعد كده وبن شرقي كنت جايبه وهو محدش متوقع نجاجه وممكن ارجع لكلام الناس وقتها وهي بتهاجمنا، لكن في الاخر بقول دايما محدش يسترع في الحكم”.
وشدد:” عمرو السيسي كان افضل لاعب خط وسط بالدوري وشلبي، وعمرجابر لاعب جوكر محتاج وقت يتاقلم ويكون في طريقه لعب ثابته ومركزثابت له، كل ده ميعفيش النتيجه السيئه لكن مش هنهد المعبد كنت اكتر واحد بيدعم فيريرا وبحبه لما بنخسر بنخسر كلنا لعيبه وجهاز وادارة”.
وتابع منصور: “في شعره بين النجاح والفشل هنوفر اجواء النجاح نسبه النجاح هتكبر، السوشيال ميديا بعاني معها مش قادر افهم شغلاتنه انا بالنسبه لي الجمهور اللي بيحضر الماتشات، مش هتعمد جمهور السوشيال لانهم نفس الناس اللي كانوابيقطعوا في بن شرقي”.
واستطرد:” انت عاوز تيجي جزء من المعادلة تحضر الماتشات ودعم اللعيبه وهاجمها في الملعب لكن مداري في شاشه وتقيمني لا، مع احترامي للصفحات حتى اللي بتشيد بي ده عالم افتراضي ومش هبص عليه وهو بيقول فين الصفقات، اللي على الارض الجمهور اللي بيحضر الماتشات، لوهم زملكاويه وهتفرض حسن النيه، لو بتحب الزمالك فدي الطريقه الغلط احنا عندنا حجم مشاكل مش موجوده في اي نادي”.
وزاد مرتضى: “علينا قضايا في الفيفا ومفيش دولار ومش هنجيب من السوق السوداء احنا نادي كبير، ومش عارف احول مستحقات لان الحجز على الارصده وفي رئيس نادي بياخد قرارت بتسبب له مشاكل له شخصيا”.
واستكمل:” الزمالك من2014 الى 2020 كان سهمه عالي سنة اللجان غيرت امور كتير في المعادله ولقينا زيادة عقود، ولعيبه مشيت وقرارت كانت غلط اثرت علينا وعملت مشاكل بين الاعيبه بسبب تفاوت العقود وكان مطلوب مني الم كل ده، قدرنا في سنه نلم ونكسب دوري وكأس لكن تاثيره هيمتد لسنين”.
واردف:” انا بحاول اعمل الصح ومش هجيب لاعب انتم عاوزينه وفي تفاصيل بحاول اراعيها المدير الفني بيختار لعيبه محتاجها ومهلكش النادي ماليا “.
اختتم:” الصفقات كلها كانت 90 مليون في الصيف، سامسون مواليد2000 جاي من اجواء تانيه ودوري ومحتاج وقت للتاقلم، اشتريناه بـ900 الف دلاور على قسطين كانوا بقيمه13 مليون جنيه وقت شرائه، وقيمة شراء كل لاعب اقل من الموجودين، ومفيش لاعب وصل لـ20 مليون”.
