كشف أمير مرتضى منصور المشرف العام على الكرة بالزمالك، قيمة صفقات الفريق الصيفية، وطالب الجمهور بدعم كل منظومة الفارس الابيض.
وقال أمير مرتضى منصور في مداخله هاتفية ببرنامج “زملكاوي’ عبر “قناة الزمالك”: “الزمالك من2014 الى 2020 كان سهمه عالي، سنة اللجان غيرت امور كتير في المعادله، ولقينا زيادة عقود، ولعيبه مشيت وقرارت كانت غلط اثرت علينا وعملت مشاكل بين الاعيبه بسبب تفاوت العقود، وكان مطلوب مني الم كل ده، قدرنا في سنه نلم ونكسب دوري وكأس لكن تاثيره هيمتد لسنين”.
واردف:” انا بحاول اعمل الصح ومش هجيب لاعب انتم عاوزينه، وفي تفاصيل بحاول اراعيها المدير الفني بيختار لعيبه محتاجها ومهلكش النادي ماليا “.
واضاف مرتضى:” الصفقات كلها كانت 90 مليون في الصيف، سامسون مواليد2000 جاي من اجواء تانيه ودوري مختلف ومحتاج وقت للتاقلم، اشتريناه بـ900 الف دلاور على قسطين كانوا بقيمه13 مليون جنيه وقت شرائه، وقيمة شراء كل لاعب اقل من الموجودين، ومفيش لاعب وصل لـ20 مليون”.
وشدد: “نداي اصيب اصابه الونش، كل لما يحاول مع الدكتور يرجع علشان الناس بتضغط عليه وبتقول محترف ومصاب، وقولنا له متسمعش لهم، مش هترجع الا لما تكون كويس وجاهز”.
وأختتم مرتضى:” في تربص بلعيبه الزمالك، ولما يحصل انسجام الامور هتتحسن، الموسم في اكثر من بطوله احنا خرجنا من كاس السنه اللي فاتت، ولسه قدامنا كل البطولات دوري وكأس وافريقيا، اتمنى الجمهور يدعمنا كلنا جهاز ولعيبه وادارة، لاننا محتاجين الدعم”.
