أنقذ الزمالك !!.. مرتضى منصور يوضح سبب إعلانه واقعة عبدلله جمعة وفتوح – فيديو
تحدث المستشار مرتضى منصور رئيس نادي الزمالك عن أزمة الثنائي عبدالله جمعة وأحمد فتوح داخل القلعة البيضاء خلال الساعات الماضية.
وكان مرتضى منصور قد أعلن أن سبب خروج فتوح وعبدالله جمعة من قائمة الفريق أمام الداخلية هو اعتراف الثنائي بتناولهم مواد مخدرة” الحشيش” وخوفًا من إجراء تحليل المنشطات عليهم قبل المباراة.
وقال “مرتضى” :”اللي بيقول إني فضحت فتوح وعبدالله جمعة، ميعرفوش إن لو متمش الإعلان، كان الزمالك معرض للإيقاف، وأنا أعلنت لأن فتوح أعلن أن غيابه بسبب كورونا وده كان هيعرض النادي للإيقاف”.
وأشار:” الزمالك كان ممكن يتوقف لمدة سنتين، المنظمة الدولية أخدوا إجراء وشافوا إن الزمالك حولهم للتحقيق واللجنة سالت فتوح طلع ليه من قائمة المباراة، وطبيعي الكورونا بتعدي وسألوا على فتوح ومكنتش موجود”.
وأضاف “مرتضى” خلال الفيديو الذي نشرته قناة “الزمالك” :”انتم عايزين الزمالك يتوقف سنتين عشان عيل تافه هو مستخبي ليه علشان تأثير الحاجات دي يروح من جسمه ومجاش التدريب ليه”.
وتابع :” فتوح عيل صايع وقالي مش عاوز العب بالزمالك وهجيب عرض وسيبني أمشي واللي بيقول فضحهم لكن ده إجراء علني علشان الزمالك لا يتعرض للإيقاف”.
وأكمل “مرتضى” :”سيبونا نشتغل والعيال اللي بتهاجم أمير بقولهم مين اللى جاب ساسي وبن شرقي ودونجا هو اللي جابهم”.
واستطرد “مرتضى” :” أنت قليل الأدب وأمير حرقك اوي المفروض يعمل عمليه بس ما أجلها علشان الزمالك وهتقل أدبك على أمير هعطيك بالجزمة”.
شاهد:
