إنتقد محللو قناة الزمالك إداء لاعبي الفريق الاول لكرة القدم بالنادي والبرتغالي جيسفالدو فيريرا المدير الفني بعد التعادل أمام الإتحاد السكندري في الدوري.
وقال أحمد عبدالحليم في تصريحات تليفزيونيه عبر قناة الزمالك:” هناك بطئ غير طبيعي، والحاله البدنيه سيئة، وارض الملعب اثرت وطريقة اللعب اتغيرت معرفش السبب ممكن سبب فني، التغييرات لم نستفيد منها اللهم شيكابالا احدث بعض النشاط”.
واضاف:” لابد ان تكون هناك وقفه انت بتبعد وبتفقد نقاط، لابد ان يكون علاج لما يحدث، انت فزت بالدوري باسكواد اقل اكيد في حاجه غلط”.
ومن جانبه قال جمال عبدالحميد:”قدر الله وماشاء فعل، الماتش سيء جداً والملعب وحش قوي، ولكن ليس مبرر لما حدث، لعبنا مباراة سيئة وبعض التغييرات اتاخرت، فريق لايهاجمك لماذا لاتلعب بـ2 رأس حربة، الامر بقى صعب ولازم حل فوري وهنقفل على نفسنا ونعرف الغلط فين ونعالجه”.
بينما قال محمد صبري:” ماتش يتحمله فيريرا والجزء الأكبر للاعبين، مكنش في روح ولا قتال في الملعب، مينفعش فريق بينافس على بطولة هو بطلها مرتين وراء بعض ياخد نقطتين بس”.
واردف:” على الإدارة إنها تتدخل بسرعة جداً وتفهم من الراجل ايه الموضوع، اللعيبه لم تظهر بمستوى يوحي بانك هتكسب وتغيبر نيمار بعبدالشافي غريبه جدا”.
وشدد صبري: “التغييرات لم تحدث اضافه ومعرفش يوسف اسامه بيلعب ايه وانت نزلت 2 مهاجمين ومفيش اي عرضيات، المباراة ممكن مش موفق فنيا بس لازم احس انك بتقاتل وفي روح، هناك نقص في اللياقه البدنيه وده ماثر على التركيز بتاع اللاعبين داخل الملعب،
واختتم:” في شئ غلط بالحهاز الفني، واللعيبه ولازم الادارة تقعد مع الرجل، لان اللعيبه مش بتقاتل ولافي روح ولابتحاول يعملوا اللي عليهم”.
