فتح المستشار مرتضى منصور رئيس نادي الزمالك النار على أحمد الشناوي حارس مرمى نادي بيراميدز بسبب تلقيه ثلاثة أهداف في المباراة التي جمعت الأهلي مع بيراميدز.
وفاز الأهلي على نظيره بيراميدز بثلاثية دون رد، اقتحم بها عمرو السولية جدول ترتيب الهدافين بتسجيله هدفين، فيما أحرز الثالث حسين الشحات.
وقال “مرتضى” :”لازم الأهلي يشكر الشناوي مرتين، مرة لما كان مع الزمالك وقعد مع الخطيب وخسرنا من الأهلي بسببه 3 أهداف ميدخلوش في عيل عبيط، وكان بايع الماتش”.
وأضاف “مرتضى” في تصريحات لبرنامج “زملكاوي” على قناة “الزمالك” :” أجوال دخلوا النهارده لو بيشوطهم جن مش هيدخلوا بالشكل ده”.
وتابع:” تقريبا رجعنا للمسخره من تاني، الزمالك يدخل فيه هدفين في نفسه، والأهلي يسجل 3 أهداف، ورجعنا تاني نسوق الهبل على الشيطنه، هي دي إجوال تدخل في الزمالك”.
وأكمل “مرتضى” :”رجعنا تاني للقذارة والعيال بتعمل قرف، ومش انا اللى بقول كده ده عبد الحميد حسن على قناة الأهلي قال قبل كده في حاجه مش طبيعيه الكرة تخبط في فتوح وعبدالغني وتدخل اجوال فينا”
ووجه “مرتضى” حديثة لـ أحمد الشناوي قائلا:”ايه المسرحيه دي يا شناوي، هو ركبك الجن بتاع زمان من تاني”.
