“الدوري يبوظ”.. عامر حسين يوضح تحركات إتحاد الكرة بشأن إيقاف كهربا وموعد مشاركته مع الأهلي!!

كشف عامر حسين عضو اتحاد الكرة المصري، ورئيس لجنة المسابقات، عن تحركات الجبلايه في الفيفا بشأن موعد مشاركة الهارب محمود كهربا لاعب الأهلي في المباريات، وكذلك ميعاد انتهاء الايقاف بسبب عدم دفع الغرامة للزمالك.

وقال عامر حسين في مداخله هاتفيه ببرنامج الماتش عبر قناة صدى البلد: “قصة كهربا الاحكام الخارجية، وفيها عقود مش بفهم فيها اوي، ودي شغل محامين ومستندات”.

واضاف:” المؤكد ان عقوبه كهربا تنتهي يوم 11 يناير، وخطاب الفيفا اللي وصل اتحاد الكرة كان بمنطوق الحكم القديم كأنه بيفكرنا بالعقوبه”.

وشدد حسين:” اللي هيحصل انا معرفش، قرار من بره لازم نبعت لهم لاننا ممكن نبوظ الدوري “.

واردف:” خاطبنا الفيفا هل كهربا يلعب ولا لأ والاهلي عاوز نفس الرد علشان يعرف اذا كان يتقيد في افريقيا ولا الزمالك هيروح لجنة الانضباط”.

واختتم:” مبحبش اتكلم في القصة دي علشان ممكن حد ياخد الكلام في اتجاه معين والحرب تقوم عليا معرفش الفيفا هيرد امتى”.