“الراجل يقرب من القطر”.. مرتضى منصور يتوعد الحاقدين على رحلة الزمالك لـ أسوان – فيديو
أكد المستشار مرتضى منصور أن مجلس إدارة الفارس الأبيض تقدم ببلاغات ضد المروجين للتعدي على قطار الزمالك المتجه إلى أسوان من أجل مؤازرة الفريق أمام زهرة الجنوب.
وتداولت صفحات مواقع التواصل الاجتماعي خلال الساعات الماضية بوست خاص لـ أحد المذيعين في قناة الحدث اليوم وهو يحرض الجماهير على قطار الزمالك.
وقال “مرتضى” :”كان في مشكلة في حجز أسوان وكلمت الأخوه في تذكرتي حلوا المشكله، واحنا لما بنسافر أي بلد بناجر أتوبيسات غرب الدلتا دي بتاعت الدولة مش عارف ايه حاله الهيجان علشان القطار بس في حاله غل”.
وأشار :” القطار متأمن تماما، و فيه ولد شغال مع محمود الخطيب، وجمال جبر رئيس المركز الإعلامي في الأهلي، مسلطة ينزل بوست للتحريض على القطار، والمذيع ده اسمه مصطفى حسين خليل شغال في قناة الحدث فلما لقوه بيعمل فتنه طردوه”
وأضاف “مرتضى” في فيديو نشرته قناة “الزمالك”:”هذا السافل المنحط اللي عاوز يولع البلد نسي إن فيه داخليه وشرطه، وبكرة الصبح هنعمل بلاغات في أمن الدولة”.
وتابع:” أنا عاوز أقول الدولة تم إبلاغها وقناة الحدث لغوا التعاقد مع هذا المذيع، وبقول انت عاوز تعمل فتنه يامحمود ياخطيب ومش قادر تعمل اللى انا عمله في إسعاد جماهيري انت دفعت الجماهير مقدم وقسطت لهم الباقي وخربت بيتهم”.
وأكمل “مرتضى”:”دفعنا النهارده نصف مليون جنيه رايح جاي حق التذاكر ده الفرق بيني وبينك مسلط عيال يضربوا القطار بالحجارة”.
واستطرد :”أنت كده بتحرض على إتلاف مال عام لأن القطار ملك الدوله ودي جناية مش جنحه والراجل يقرب من القطار، انت متضايق ان جماهير الاهلي المحترمه بتديك على نفوخك، بلاش الزمالك والدولة وعملت بلاغ”.
شاهد:
