أكد الإعلامي خالد الغندور، ان الزمالك لايحتاج إلا صفقة واحده فقط، بعد قطع إعارة محمود شبانة لسموحه وعودته لصفوف الفريق، وشدد ان الفارس الأبيض يمتلك لاعب هو مستقبل خط الوسط وأفضل من مروان عطيه.
وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”: “مروان عطيه في بدايه الموسم كان زعلان جدا بسبب عدم انتقاله للزمالك، مش دي مشكلتي، لما الزمالك اشترى مصطفى شلبي ودفع فيه20 مليون، وهو لاعب بيصنع الفارق، ولكن يدفع مثل هذا المبلغ في ديفيندر فهو كبير “.
واضاف:” مروان عطيه لاعب كويس، وكان من ضمن اختياراتنا في وقت من الاوقات، الزمالك ليس في حاجه لتدعيم المكان ده ومش عارف الاهلي بيجيبه ليه وهو عنده في المكان ده عدد كبير من اللاعبين ولم يرحل منهم أحد، لكن في النهاية هو حر”.
وشدد الغندور: “الزمالك عنده في مكان مروان سيف فاروق جعفر وهو لاعب جيد جدا ودونجا وعمرو السيسي وروقا وكان زكريا الوردي”.
واردف:” عندنا حمدي علاء معار للبنك الاهلي ولاعب مهم جدا ومستقبل الزمالك، وبقى له سنتين بيتودك في الدوري، ليه ادفع فلوس كتير علشان اتعاقد مع مروان وعندي لاعب مميز زي حمدي علاء”.
واختتم:”محمود شبانه الزمالك اخطره بالعوده وهينتظم في التدريبات بعد مباراة الاتحاد، من وجهة نظري الزمالك محتاج راس حربه فقط ومش محتاج تاني خالص”.
