“انت فارد نفسك ليه”.. وصله هجوم ناريه من طارق يحيى على فيريرا ولاعبي الزمالك بعد الخسارة من أسوان!!-فيديو

شن الإعلامي طارق يحيى وصلة هجوم ناريه على البرتغالي جيسفالدو فيريرا المدير الفني للزمالك، ولاعبي الفريق، بعد الخسارة أمام أسوان بالجولة الحادية عشر من الدوري.

وقال طارق يحيى في نصريحات تليفزيونيه ببرنامج زملكاوي عبر قناة الزمالك: “كلنا زعلانين على خسارة 3 نقاط في سباق القمه، وفي اسباب كتير للخسارة، مش عاوزين نخوض فيها، وبنقول المنافس لسه هيخسر ولكن الاداء والروح والتكاتف كانوا غايبه عن الفريق”.

وشدد:”ليه بنلعب في الفرقة علشان نبان اننا جهابذه، ليه مش بعمل الطبيعي واخرج بره الصندوق، واعمل حاجات تنغص علي عيشتي، والعب في التيم واكسر تميمة الحظ، ليه اغير حظي وابدأ بشيكابالا، ليه بندور علي حاجات تخلينا وحشين ليه بتلعب في الفرق علشان يتقال ايه”.

واضاف يحيى:” الشوط الاول مفيش زمالك ومحدش يقولي متتكلمش متهاجمش، مين يجيب حق الجماهير وتعبهم هي الرساله موصلتش اننا ننزل ناكل النجيله، هو الكرنفال اللي حصل موصلش للعيبه والجهاز ومعرفش ليه بنجري ورا سراب، احنا خسرنا مباراة لكن منخسرش بعض كلنا في ضهر الفريق والجهاز الفني بس يصحصح شويه”.

واردف: “ممكن تكون اخر حلقه ليا، هو بيتعامل مع الجهاز المعاون كده ليه اسامه نبيه قايم يتكلم ويقوله اقعد ملكش دعوة، انت فارد نفسك اوي ليه كده، لما تكلم الكل يسكت انا لعبت لام النادي ده واخدنا فيه بطولات”.

وتابع يحيى:” انت لو بتلاعب ريال مدريد مش هيدخل فيك 3 اهداف من كرات ثابته، اللعيبه قالتله في المحاضره المفروض منقفش كده لكن قال لا هتقفوا كده، هو في ايه هو كن فيكون، الجماهير اللي سافرت والادارة اللي موفره لك لبن العصفور، في ايه ياعم مش عوايدك، حصل ايه في دماغك؟ مينفعش اصر على الغلط، في لعيبه مش فورمه مين السبب الجمهور ولا الادارة، مصطفى شلبي فين جايبنه علشان يقعد في الييت اللاعب من10 ايام بيدرب”.

وواصل: “محدش يزعل لو اللي بيتعمل ده من جهاز مصري اقسم بالله ماهيقعد 24 ساعه في الزمالك، بس الادارة بتدور على الاسنقرار وهو انا بساند واساند وروح في حته تانيه، الدنيا كانت ماشيه زي الفل ايه حصل، الاداء في الشوط الاول كان سيئ، فين الزمالك والروح مينفعش تقول للمدرب العام اقعد ملكش دعوه هو بيساعد”.

واكمل:” لازم يكون في وقفه وتدخل من المستشار مرتضى ولازم يساله في ايه محدش قال يكلم فني لكن يجيبه يساله هو او امير، مش ممنوع الكلام وخط احمر خط احمر منبقاش بنعبد اصنام الزمالك اغلى من اي حد، والله لو اخر يوم ليا في القناة مش هطبطب تاني وهتكلم”.

واكد يحيى: “الاداء مالوش تفسير الا تقصير في حق جماهيرك وناديك وادارتك، اتمني يكون درس ونقفل الصفحه بس نتعلم من اللي فات علشان اللي جاي وعندنا مباريات كتير صعبه، لازم تجهز اللعيبه اللي مبتلعبش اعمل ماتشات وديه، في فرق كبير بين الاساسي والاحتياطي شيكا بس هو اللي جاهز”.

واسترسل:” الناس بعيده لازم نجهزهم علشان لما. نحتاجهم، متدافعش عن اشخاص دافع عن الزمالك
اي حد بيكسب بالزمالك الفريق مبيقفش على حد كلنا رايحين والنادي هو اللي باقي، ايام جروس لما مشي اتقال مفيش بطولات واخدنا بعدها بطولات”.

واختتم: “اعذروني على انفعالي، اتمنى نستفيد من المباراة والفارق 3 نقاط وعندنا مباراة مع المنافس لازم نلم نفسنا، عيب الزمالك يدخل فيه هدفين من كرات ثابته”.