تحدث البرتغالي جايمي باتشيكو المدير الفني لفريق بيراميدز عن تفوق فريقه على الزمالك في نصف نهائي كأس مصر.
وخطف فريق بيراميدز بطاقة التأهل لنهائي كأس مصر 2021-2022، على حساب نظيره الزمالك، بعد الفوز عليه بركلات الترجيح بنتيجة 4-3، عقب نهاية الوقت الأصلي والإضافي بالتعادل الإيجابي بهدف لكل فريق، إذ سينتظر الفائز من لقاء الأهلي وسموحة في المباراة النهائية.
وقال “باتشيكو” :”عندنا رؤية في تغيير عبد الله السعيد ، الزمالك كان دايما بيتقدم في أول الدقائق ، فكرنا أن بعد ما دخل الهدف، أن لازم نتعادل و علي جبر حصل كمان على طرد”.
وأشار :”كان لازم يبقى فيه توازن وكان لازم أنزل لاعب سريع ، و لاعيبة بيراميدز لعبت بروح الفريق، و المكسب بتاعهم ، وهما اللي يتقالهم مبروك، و لازم يبقى عندهم روح الفريق زي ما شوفنا”.
وأضاف “باتشيكو” في المؤتمر الصحفي للقاء :”الزمالك معرفش ياخد فرصة في المباراة لان لاعبينا لاعيبة رجال و كبار، لاعيبة بيراميدز كانوا مبسوطين إن هنلعب ضربات جزاء”.
وتابع :”كنا مضايقين المساحات على نادي الزمالك ، و اللاعيبة قاموا بدورهم على أكمل وجه، بقول تاني اللاعيبة هما الأبطال”.
وأختتم “باتشيكو” :”الشناوي مفيش هجمة راحت عليه و حصل اللي إحنا عايزينه ، و عبد الله السعيد انا بحبه جدا و هيفضل مستمر معانا”.
وكان عبد الله السعيد لاعب نادي بيراميدز غادر الملعب غاضبا بعد استبداله بالدقيقة 15 من عمر مباراة الزمالك وبيراميدز، في نصف نهائي كأس مصر، والمقامة الأن، واتجه مباشرة نحو غرف خلع الملابس، ولم يتجه إلى دكة بدلاء فريقه.
