حرص المستشار مرتضى منصور على توجيه رساله ناريه لجماهير أسوان، بسبب مافعلوه مع محمود شيكابالا قائد الفارس الأبيض، والهتاف ضده وقيامهم بسبه.
وقال مرتضى منصور في مداخله هاتفيه ببرنامج زملكاوي عبر قناة الزمالك: “انا مش زي غيري اللي بيهرب وقت الاخفاق، زي مابتكلم في الفوز هتكلم دلوقتي، انابعد الماتش زعلت ونمت ولاصرحت ولانطقت بحرف لان حزين زي الجمهور، وبعد المداخله نقفل الصفحه علشان عندنا ماتش مهم مع الداخليه”.
واردف:” انا لن اتدخل ولا هقعد مع فيريرا لان انا مش هفهم في الفنيات زيه، دي اخطاء فنيه وهو مدرب عالمي ومهما كنت رئيس نادي من20 سنه مش هفهم زيه هو مدرب عالمي، احنا لسه في الماتش الـ11 ومتبقي 23 ماتش لواخطاء اداريه هتكلم لكن فني لا”.
وشدد مرتضى: “مش هقعد وهاجتمع مع فيريرا لان معنديش اخطاء اداريه هو المفروض يعقد يتفرج على مبارياته ويراجع نفسه”.
وواصل:” انا مش مع الشافعي رئيس اسوان ان تم مقابله الزمالك احسن استقبال، الزمالك اتهان ومعتقدش انه جمهور اسوان المحترم عمره ماكان شتام، شيكابالا يتسب ويتهان في بلده انت مقولتش الحقيقه، ولادنا اتهانوا واتضربوا قدام حضرتك
دول عيال متأجرين من المنافس هم عارفين ان شيكابالا بيخرج عن شعوره لما بيشتم”
واضاف مرتضى:” عمر ماكان شعب اسوان قليل الادب، التحريض من امبارح، ان يكسروا القطر الشرطه المحترمه بنشكرهم طبعا، مجاش لهم معلومه ان في عيال مجرمين سفله يكسروا اتوبيسات الجمهور لانهم محترمين”.
واكمل: في مشهد لواحد بيقود الجماهير بشعر زي النسوان قولت مش هنكسب دولا الاولتراس اللي منكسبش في حضورهم، جماهير الزمالك المحترمه مش محتاجين عيل بضفيره يقودهم، ده مركبش القطراول لما بشوف الاشكال دي بعرف مش هنكسب دول نحس الماتشات الي فاتت مكنش في حد منهم، انت مين وجيت ازاي مروحتش في القطر انا معنديش قياده القياده الجمهور نفسه انا معنديش اولتراس انا عتدي جمهور محترم”.
واستطرد: “انا حزين ان ولادنا اتهانوا عندك يارئيس اسوان، اوعى تنسى ان ابنكم شيكابالا اتهان في اسوان من شويه غوغائين هل شعب اسوان بيضربوا الاتوبيسات”.
واختتم:” باذن الله الدوري بالزمالك مهما تعملوا، عندنا مدرب عالمي واحسن لعيبه وجمهور عظيم ومفيش مدرب مبيغلطش”.
