علق علي ماهر المدير الفني لفيوتشر على الخسارة أمام الزمالك، في المباراة التي جمعت بين الفريقين اليوم وحسمها الفارس الأبيض لصالحه بنتيجة هدفين مقابل هدف، ضمن منافسات الجولة الـ16 من بطولة الدوري الممتاز.
وقال علي ماهر في المؤتمر الصحفي الخاص بالمباراة:”مكنش فيه توفيق، وبقول الحمد لله، الكرتين اللي الزمالك راح بيها احرز منهم اهداف، ويكفي ان عواد كان بيضيع وقت عشان الماتش يخلص”.
وأضاف: “طبعا الزمالك فريق كبير، لكن رأيتوا الشوط الثاني 45 دقيقة مفيش ولا هجمه ولا كورة راحة لحارسنا لكن مفيش توفيق”.
وشدد ماهر:” زيزو لم يظهر بالشكل المطلوب مش علشان هو وحش، لا لاننا درسنا الزمالك بشكل جيد واغلقنا جميع طرق اللعب”.
واردف: “كل مباراة العبها على المكسب، لا افرق بين فريق قوي أو ضعيف، بنعمل مجهود كبير انا واللاعبين والحمد لله قدرنا نظهر بشكل مميز رغم اننا نادي عمره موسمين فقط”.
واختتم:” جبنا لاعبين مكنش حد يعرفهم ودلوقتي اصبحوا نجوم، لكن اليوم كان عندنا ثقة زيادة يمكن من نتايج الزمالك الأخيرة لكننا حققنا اداء جيد في النهاية والنتيجة بتاعت ربنا”.
