رد الإعلامي خالد الغندور على نظيره إسلام الشاطر المذيع بقناة الأهلي بسبب تصريحاته عن الحكام وتلميحاته ضد مرتضى منصور رئيس الزمالك.
وكان اسلام الشاطر قد قال عبر قناة الأهلي وذلك ردا على هجوم مرتضى منصور على الحكم أمين عمر: “في أندية طلعت تهدد الحكام عشان يأثروا عليهم الفترة الجاية، اللي هيقولي ما انتا بتنتقد الحكام، بقوله أنا بنتقد أداء مش شخصيات، امبارح شفنا انتقاد حاد جدا للتحكيم”
واضاف: “حاجات غريبة جدا، احنا هنا في قناة الأهلي بننتقد بالصوت والصورة وعمرنا ما طلعنا قولنا كلام لايصح قوله علي الحكام لأن مينفعش الغلط في شخصيات الحكام عشان عيب عيب ميصحش كده”.
وقال خالد في تصريحات تليفزيونية ببرنامج زملكاوي عبر قناة الزمالك:”اسلام الشاطر بيكلم عن انتقاد الحكام، فعلا عمر النادي الاهلي ماقال حاجه على الحكام يا اسلام”
واضاف:” مقالوش تحكيم فاجر في مجله الاهلي، ولا قالوا هلغي رقم جهاد جريشة من عندي، علشان زعلان منه”.
وشدد الغندور: “مقولناش ليه حكم الاحتواء، وعمرنا ماشوفنا ضربه جزاء في اتاحة فرصه الا للاهلي”.
واردف:” محمود عاشور شالوه من التحكيم ورجع غصب عنهم من الفيفا، علشان حسب تسلل سليم في ماتش فاركو “.
واختتم:” احنا لوحشين بنقول خسرنا بسبب اننا كنا وحشين،انما الناحيه التانيه لو وحشين تلاقي ضربة جزاء فجأة، ووقت ميتنهنيش غير لما نحرز هدف”.
