“عاوز تحصل مذبحة ثاني؟ “.. تعليق ناري من مرتضى منصور على واقعة إعتداء جماهير الأهلي على حافلات مشجعي المصري

علق المستشار مرتضى منصور رئيس نادي الزمالك، على واقعة إعتداء جماهير الأهلي على أتوبيسات مشجعي المصري البورسعيدي وتحطيم مدرجات ستاد الجيش ببرج العرب

وقال مرتضى منصور في تصريحات تليفزيونيه عبر قناة الزمالك: “بشكر الرابطه والداخليه ان الجمهور في مباراة الكأس 5 الاف، وبشكر الجمهور اللي خلص حجز التذاكر في دقايق، وهنزود عدد الجماهير في الدوري”.

وشدد:” الجمهور المحترم دخله انما جمهور قليل الادب اللي بيكسر الكراسي لا، هو مكتوب في الدستور والقرأن ان ممنوع الاهلي يتعادل تشتموا بورسعيد وتكسروا الاتوبيسات”.

واضاف مرتضى:” هل انت يا جمهور الاهلي عاوز تحصل مذبحه تاني؟، وليه بتكسروا الاتوببسات تحبوا تلاعبوا المصري فين بالمريخ، انتم في اي مكان بتعملوا مشكله معهم وتشتموا وتقولوا بلد الباله”.

واكمل:” يا اسطورة مزيفه طلع بيان بالجمهور اللي بيسئ للمصري، داخلين على مذبحه جديده بين ولادنا في الاهلي وبورسعيد، سامع انك شغال في جهاز بالدوله بتبلغ عن زمايلك”.

واختتم: سالم الشامسي رجل محترم، وأتمنى ألا يتسبب ممدوح عيد في أزمة وفتنة بين مصر والإمارات، مالك أنت يا ممدوح يا عيد باستثمار الإمارات في مصر، دي علاقات دول محترمة، خليك أنت في السمسرة، وسيب علاقة مصر بالإمارات حلوة”.