حرص الإعلامي الزملكاوي عمرو أديب على توجيه رسالة تفاؤل لملايين من جماهير الفارس الأبيض، وذلك بعد الخسارة أمام الأهلي وشدد ان الدوري مازال طويل وانه سيكون من نصيب القلعه البيضاء.
وقال عمرو اديب في تصريحات تليفزيونيه ببرنامج
“الحكايه” عبر قناة “إم بي سي مصر”: بقول للزمالك البيت الابيض محتاج يتوضب، والدوري مراحش لسه، سنظل قادرون، نقدر لسه ناخد الدوري الاهلي مش عقده شويه معنويات واحساس ووارد نعمل ثلاثيه زي ماهم فازوا ثلاثة ان شاء الله ناخذ الدوري”.
واضاف:” اوعوا يكون في احباط، اوعوا تصدقوا الحملات المضلله اللي عاوز تخلص عليكم، لا الاهلي هيفضل اهلي، ولاكهربا هيكمل لعب، ولا شريف هيفضل حريف”.
وشدد أديب:” حمدي فتحي لاعب جيد والاهلي لعب كويس، وبصراحه مش هياخد الدوري، احنا لسه بدري وربك كريم وان شاء الله نقف على رجلنا تاني، واستمرار فيريرا امر عظيم”.
واردف: “ربنا يكرمنا والدوري لسه في الملعب وبقول لكابتن مدحت شلبي واكاد لا استطيع اصف اللي بعته ليا لكن ماشي يوم لك ويوم عليك، السنه دي بيضا فله ومش هتبقى ريد، هتبقى بيضا زي السنتين اللي فاتوا”.
واكمل أديب:” انا بشعر ان حضراتكم بتفرحوا فيه اكتر مابتفرحوا للاهلي، و كان في استقبال اهلاوي رسمي غير طبيعي فور وصولي مطار القاهرة، ايه ياجماعه عادي والف مبروك”.
وواصل: “المباراة حصل فيها 3 اشياء غير ممكنه ومستحيله وهم:
1-” ان حمدي فتحي يقدر يوقف الكره على صدره ويلعبها لكهربا الرجل اللي له400 يوم ملعبش ويجيب جول ده شئ مستحيل”
2-” شريف الحريف اللي بياكل بلوبيف يجيب هدفين وانه يرجع تاني يهدف”.
3- “الزمالك يلعب كده، ودي الـ3 مستحيلات”.
وأختتم أديب:” ارجوكم اسمعوا، لا الاهلي هيفضل كده ولا كهربا هيفضل يلعب ومش هيكمل ويوم2 فبراير ينقطع الفولت، ولاشريف الحريف هيفضل حريف ولا هيكمل كده”.
