هدد المستشار مرتضى منصور رئبس نادي الزمالك بعدم استكمال مسابقة الدوري المصري، وذلك في ظل مايتعرض له الفريق من ظلم تحكيمي.
وقال مرتضى منصور في مداخله هاتفيه ببرنامج زملكاوي عبر قناة الزمالك:”في مذكرة رسميه موجوده في اتحاد الكرة ان الولد الي اسمه امين عمر ميقربش من ماتشات الزمالك لان هو وابوه على صفحاتهم بيعلنوا عن حبهم للاهلي، امين كاره نفسه وكاره الزمالك ولنا ضربتين جزاء وابن الشناوي على الڤار هو كمان”.
واضاف: “مين رئيس لحنة الحكام؟، مين المصري الموجود في اللجنة، انا مش شايف فيكم رجل، مانفوق ياجمال ياعلام انت مصدق نفسك انك رئيس اتحاد انتم المخبرين انضف منكم، فين الباشا حازم امام، وازاي ده يحكم للزمالك وهو في مذكره برفضه تعيينه للزمالك”.
وشدد مرتضى:” اكلم مين لما يكون في حكم منحرف عارف مين مسئول الحكام احمد شوبير، وكلهم خدامين له، كده الدوري مش هيكمل، انا وفريقي مش هنشارك في مسرحيه هزليه بقيادة شوبير والخدامين له”.
واردف: “نكلم حازم والدرندلي مبيردوش في ضربة جزاء الاعمى يشوفها، لجنة حكام فشله، ايه ده يا اعمى يامنحرف الفار ابن الشناوي خدام شوبير،امين عمر جاي يقضي على الزمالك، يا امين ياعمر يامنحرف انت جاي عاوز تخلص ومشوفش وشك تاني، لوشوفتك يا امين ياعمر في ماتش للزمالك هرميك بره علشان لجنة الحكام لامؤاخذه، توفيق بيه السيد ماسك لجنة الحكام وهو خدام شوبير”.
وتابع مرتضى:” لماضربوك ياامين ياعمر بالترسانه كان لهم حق يامنحرف، ايه ده مسك رجل الواد سامسون وواضحه ضربة جزاء، انت منحرف والاتحاد منحرف وشده من رجله هي دي لجنة الحكام ولا المنحرفين، هي دي رياضه واحناقايلين من الاول وحاطط لي مين في الفار ابن الشناوي”.
وواصل: “ايه القرف ده، معنديش مشكله اخسر لكن تظلمني ليه؟، وليا ضربتين جزاء وبغض النظر عن استهتار بعض اللاعبين ومش هكلم على القنوات الفضائية، انت عيل ملكش قيمه وحذرت بالطريقه دي الزمالك ميشاركش في المسرحيه الهزليه، علشان الزمالك مياخدش في وجود مرتضى 3دوري”
واستطرد مرتضى:” ادي التحكيم والشتيمه من ناس متاكد انهم مش اسوان لان نادي اسوان يشتم ابنه شيكابالا ليه هم جماهيو الاهلي، وكم الضرب اللي اخدوا الولاد امام امين عمر لايا خويا احترم نفسك انت انضربت من رئيس الترساته جوه الملعب”.
واختتم:” في سحرة وناس طول الليل بيدعوا الزمالك يخسر والاهلي يكسب، ودخل في الشناوي 3 اهداف دمهم خفيف”.
