“لما انت جامد مبتشتغلش في بلدك ليه”.. تعليق ناري من خالد الغندور على تصريحات كلاتنبرج!!

علق الإعلامي خالد الغندور، على تصريحات مارك كلاتنبرج رئيس لجنة الحكام السابق للصحف الإنجليزيه بعد استقالته والتناول الإعلامي لتلك التصريحات.

وقال خالد الغندور في تصريحات تليفزيونيه ببرنامج “زملكاوي”عبر قناة الزمالك:” اكتر نادي بيدافع عن كلاتنبرج هو الاهلي لان مش هيكون عاوز حكم خسر معه الدوري، الاهلي كلاتنبرج حلو وحش عاوزه، لانه متصدر الدوري لانه بيطلع يحلل محدش يجي جانب الاهلي”.

واضاف: “حتى كلاتنبرج قال نادي واحد بيهاجمني، وكل منظومة الاهلي الاعلاميه هي اللي بتتنقال تصريحات كلاتنبرج، ويقولوا اصل كلاتنبرج هيبوظ سمعه مصر والصحف مدفوعه الاجر، منظرنا ايه ياجماعه”.

وشدد الغندور: طيب هو مطورغير طبيعي محدش ييستعين به ليه في انجلترا؟، انت لوجامد هتشتغل في بلدك حتى عضو في اللجنة، انت بتاخد هنا 30 الاف دولار، وفي الدوري الانجليزي الاكثر مشاهده وفلوسه كتير، انت لولك فرصه في بلدك مش هتشتغل في اليونان ومصر والسعودية، في ايه هو احنا هنضحك على بعض”.

واكمل:” هو الزمالك مشاك هو اللي خلاك تروح تحلل في كاس العالم، مشكلتنا ان اي كلمه يقولها تبقى صح بلاش نقلل من نفسنا، بتقولوا خالد الغندور بيشتغل علشان السبوبه، طيب كلاتنبرج بيشتغل ايه، ولا هوطور حاجه، هو واحد مهتم بالتطوير هيطور في اليونان ومص، ر هل هناك موفرين له فندق زينا “.

وواصل مرتضى:” هواحنا معندناش مخ هو جاي يشتغل علشان يقبض انا مشوفتش اي تطوير، والاخطاء التحكيميه الفجه كثرت ومش عاجبه غير نادي واحد علشان متصدر، كل الانديه اعترضت، والاهلي اعترض علشان انذار محمود متولي، وكلاتنبرج قال لوليد متديش للاعب عنده انذارين شوفتوا التطوير”.

واردف: “هذا الرجل لم ارتاح له، وبيتهرب من الاسئله وجاي يتعامل انت من انجلترا واحنا دول العالم التالت، ويقطع حالتين وياخد مرتبه ويسافر اليونان ويجي يقبض، قعد مع رابطه الانديه ورفضت اسلوبه، واتحاد الكرة كانوا هيلزموا بمحاضرات ومعسكرات وميسافرش، قالو هتخنقوني ليه انا جاي اطور بالسفر”.

وزادالغندور:” حصلت مشكله كبيره جدا جدا في السعوديه وبالعربي كده كانه وكيل للحكام الاجانب ولم يطور التحكيم السعودي، والله هذا الرجل كان من السهل ان نرى تطور التحكيم المصري حتى لو الزمالك بيخسر بس كنت اشوفه بيطور، هو مش مهتم نهائي وكان مصر نزهه ويجي يقبض بالقرشين بالتقطيع الفيديوهات”.

واختتم:” لاتعطوا لاحد حجم اكبر من حجمه ولاتصريحات حجم اكبر من حجمها هو زيه زي لي مديو فني، هو فشل في تطوير التحكيم وهذا على لسان كل حكام مصر الفرق المالي بين عصام اللي حاول يطور الحكام كان بياخد50 الف وكلاتنبرج مليون و200 الف والعربية والفندق”.