رد المستشار مرتضى منصور رئيس نادي الزمالك، على شائعة وجود مؤامرة من لاعبي الفارس الأبيض ضد البرتغالي جيسفالدو فيريرا المدير الفني للفريق من أجل رحيله.
وقال مرتضى منصور في فيديو تم بثه عبر قناة الزمالك: “الاخفاقات لما تخسر بطوله، تحيه لحسام حسن بالاعبيه اللي معاه عمل ماتش محترم، الاهلي فاضي زي ما احنا شايفين”.
واضاف:” بقول لاخويا محمد ابوالعنين كويس انك خلصت من اللي اسمه شادي حسين، ويقولك انا التراس اهلاوي الالتراس ده في المدرجات”.
وشدد مرتضى:” سيد عبدالحفيظ له حق انه يضرب الحكم، كان لازم الحكم يستنى لحد ما الاهلي يجيب جول، هنشوف لجنة المسابقات هتعمل ايه مع عبدالحفيظ اللي طلع فوق الحكم”.
واردف:” قلت قبل كده ان الحكام الشبان اللي لسه لم يلوثوا هم افضل من نور الدين ومحمد عادل ومعروف وكلهم بيخافوا من شوبير، وليد عبد الرازق مخافش من تبرقية عبد الحفيظ ومستنين العقوبه ياحاج عامر”.
واكمل:” قولت لجمهور الزمالك اوعى تياس الفرق 5 نقط مع الأهلي، يعني تكسب ماتشينك معهم ويبعد عننا السحر والشعوذه تاخد الدوري”.
واكد مرتضى:” فيريرا قاعد لنهاية مدته، بعض الزملكاويه ببقولوا اللعيبه عامله مؤامره ضده؟، اللي عمل المؤامره فنكوش وابعدوا عننا جامايكا، ياجمهور الزمالك خليك ورا فريقك اوعى ترمي الفوطه لان الاحباط هيوصل للاعبين”.
واشار:” الي بيقول امشي فيريرا، ازاي؟، وانا عندي كاس واهلي وماتشات تانيه، لعب كل لاعب في مكانه والامور هتتحسن، اقسم بالله يا شوبير اذا ما بعدت عن الزمالك هبعت كل حاجه بتاعت شقة عمر بن الخطاب للحاجه”.
واختتم:” انا التحكيم بيدخل عندي وخسرني7 نقاط ولكن الاهلي لم يخسر اي نقطه بسبب التحكيم، سيد عبدالحفيظ الاخوانجي انت كل مشكلتك ان الحكم يفضل خدام عندك لحد ماتجيب جول وعاوز تضرب الحكم”.
