أكد المستشار مرتضى منصور رئيس نادي الزمالك، ان البرتغالي جيسفالدو فيريرا المدير الفني للفريق مستمر حتى نهاية عقده.
وقال مرتضى في تصريحات تليفزيونية عبر قناة الزمالك: “بكره في حفل توقيع الراعي الاول للزمالك، واتبلغت ان في 3 شركات جديدة، منهم محمد حلاوة والنساجون الشرقيون، وكل الارقام المعلنه من الاهلي غير حقيقية بشأن عقود الرعايه”.
واضاف:” رضا عبدالعال اللي بيظهر مع مهيب ومدجت عبدالهادي وسامي الشيشيني، وكل واحد بيظهر مع الخونه مالوش عضويه عندي، الواد المبلط، المبلط مش عيب، بس مكانه محمد ابوالعنين يشغله”.
وشدد مرتضى: “بيقولك فيريرا مش عاوز اسماعيل يوسف، ميعرفوش ان فيريرا حضنه النهارده في التدريب وقدمه للعيبه”.
واوضح:” هل تعرفوا ان مرتضى معندوش شجاعه يمشي فيربرا؟ ده انا مشيت حازم امام وميدو ومهيب على الهوا ببسالهم هتعملوا ايه الفتره الجايه فرد عليهم وقالهم ده تم اقالتكم”.
واختتم:” فيريرا قاعد لنهاية عقده، واللي بيقول ان اسماعيل يوسف جاي لتطفيش فيريرا عيب ده كلام مجرمين”.
