زف المستشار مرتضى منصور رئيس نادي الزمالك، بشرى سارة لجمهور الفارس الأبيض بشأن حضور مباراة الإتحاد السكندري، في الجولة الثالثة عشر من عمر بطولة الدوري، والمقرر إقامتها يوم الاربعاء المقبل.
وقال مرتضى في تصريحات تليفزيونية عبر قناة الزمالك: “بكره في حفل توقيع الراعي الاول للزمالك، واتبلغت ان في 3 شركات جديدة، منهم محمد حلاوة والنساجون الشرقيون، وكل الارقام المعلنه من الاهلي غير حقيقية بشأن عقود الرعايه”.
واضاف:” رضا عبدالعال اللي بيظهر مع مهيب ومدجت عبدالهادي وسامي الشيشيني، وكل واحد بيظهر مع الخونه مالوش عضويه عندي، الواد المبلط، المبلط مش عيب، بس مكانه محمد ابوالعنين يشغله”.
وشدد مرتضى: “بيقولك فيريرا مش عاوز اسماعيل يوسف، ميعرفوش ان فيريرا حضنه النهارده في التدريب وقدمه للعيبه”.
واوضح:” هل تعرفوا ان مرتضى معندوش شجاعه يمشي فيربرا؟ ده انا مشيت حازم امام وميدو ومهيب على الهوا ببسالهم هتعملوا ايه الفتره الجايه فرد عليهم وقالهم ده تم اقالتكم”.
واردف مرتضى:” فيريرا قاعد لنهاية عقده، واللي بيقول ان اسماعيل يوسف جاي لتطفيش فيريرا عيب ده كلام مجرمين
واكد: “جماهير الزمالك العظيمة جايبن لهم اتوبيسات لنقلهم للأسكندريه لحضور مباراة الاتحاد، هم فوق راسي وبقولهم اقفوا وراء فريقكم ودعموه”
واختتم:” محمود شبانه راجع وهندفع مليون جنيه، ومبسوط من مجلس ادارة سموحه لانهم ربوا فرج عامر، واللي فيريرا يطلبه هنتعاقد معه”.
