أطلق المستسار مرتضى منصور رئيس نادي الزمالك قذائفه ضد الإعلامي أحمد شوبير، والصحفي إسلام صادق بسبب نشر أخبار كاذبه عن الفارس الأبيض.
وقال مرتضى في مداخله هاتفيه ببرنامج زملكاوي عبر قناة الزمالك: “بقول لعيل اسمه إسلام صادق بطل كذب وقلة ادب، انت عيل كداب، ولازم تتشطب من نقابه الصحفيين، انت بتخدم على مين؟، وقولتلك بطل كدب واستفزاز اول لما مردش عليه يقول اخبار كدب”.
وشدد:” بيقول في خطاب رسمي بمنع فتوح وعبدالله من المشاركه وريني الجواب لو انت رج، هم زي لعيبة النادي للي ماشي وراه، القصه انتهت للابد، بطل قذاره، يقوم الصبح مردش عليه لانه كداب، بعد 5 دقايق يضرب خبر، وهحبسك به لانك بتروج اخبار كاذبه انت صحفي ازاي، ده شغل قذاره وقلة ادب”.
واضاف مرتضى:” انا معنديش ازمه بالزمالك في جزمه، دي مش صحافة ولا اعلام، فين طارق سعده، الزمالك هيبدا في الاستاد، لا تلاقي اخبار بكره هيوقفوا العيال يوفقوا عبدالقادر وكهربا دانت عندك 100 لاعب يتوقف يلا، فين الجواب ياكداب ياواطي هات جواب الدكتور حازم خميس “.
واكمل:” ياسر عبدالعزيز صديق ياسمين اللي عمل نفسه زملكاوي بينشر اخبار كاذبه، المصايب مبتجيش غير منكم عالاقل الواد ابوراسين معروف انهم مش منكم، بقول لنقيب الصحفيين لم العيال دي علشان باخد اجراء ضد العيال في الجرنال دي بتعيطوا، انا مردتش عليك انت مين علشان اكلمك”.
واستطرد مرتضى: ” اسلام صادق هعملك قضيه واحبسك بها ومذكره لنقيب الصحفيين ولطارق سعده، شغل بلطجه، والجماهير فرحانة شركة راعيه وستاد 6 اكتوبر، وعندنا ماتش مهم، عناوين الصحافه عن الاهلي اخبار ايجايبه، عكس مايحدث مع الزمالك دي مش صحافه دي بكابورتات ضاربه”.
وزاد:”بتقول الجواب بمنع فتوح وعبدالله اولا مكنوش في المباراة، هتاخد منهم عينات بصفتهم ايه، خد من الاهلي ورؤساء في الاهلي اوعى تتكلم عن الرمالك، القصه خلصت وقفلنا الصفحه كلها على بعضها”.
واكد مرتضى:” انت عاوز توقع الزمالك وبترد على مؤتمر الراعي، وازاي الحفل الكبير ده لان الافندي بتاعكم كان حاجه تكسف، لكن احنا الدنيا كلها بتتكلم وطلعت كل الرموز على المنصه، لم العبال دي ياخطيب لمهم علشان الفضايح كتير ومتخلنيش اتكلم على صفوت عبدالحليم”.
واستكمل: “جماهير الزمالك بالملايين واللي يغلط في الزمالك مالوش غير القديمه، شوبير بيقول النادي بيتفاوض مع لاعب وهو عقده مستمر ازاي، المكالمه متسجله مع مصيلحي، انه قالي كلم الواد، وممضي مروان رغبه وعقود، ابعد عن الزمالك يا شوبير وحياة هبة ولمياء وحنان ابعد عن الزمالك انت بالاخبار اللي بتطلعها بتعمل احتقان والجمهور عاوز يجيلك البيت يصْربك وانا مش عاوز اقولهم علي عنوان بيتك”.
وواصل:” الحاجه سيباك علشان تورثك، ابعد عن الزمالك والشركه المتحده قالتك ابعد عن الزمالك”.
واسترسل:” استغنينا عن فريق السلة للسيدات يروحوا يطبخو بقى او يجوزوا، وهنلعب بالناشئين، وفريق كرة الماء، وهنوفر الفلوس لحاجات تانيه، كابتن احمد مرعي بيغزل برجل حمار مع فريق السلة”.
واختتم مرتضى:” انتم متضايقين ان عينه فتوح سلبيه وقولناله خلاص، الجنونه اشتغلت، مينفعش اخسر 6 نقاط علشان بيبو، احنا مش خدامين عنده انتم اللي خدامين، شيل اللجان اللي عندك علشان الفضايح كتير
خلينا نشتغل بشكل محترم”.
