مرتضى منصور يطلق قذائفه في وجه الجميع ويهاجم كلاتنبرج وحازم إمام وشوبير وقناة أون تايم سبورتس

اطلق المستشار مرتضى منصور رئيس نادي الزمالك قذائفه ضد الجميع، بسبب ما يتعرض له الفارس الأبيض من ظلم تحكيمي ونشر اخبار كاذبه، وهاجم مارك كلاتنبرج وأحمد شوبير وحازم إمام وقناة اون تايم سبورتس.

وقال مرتضى منصور في مداخله هاتفية عبر قناة الزمالك:”العمل هيبدأ في ستاد الزمالك يوم الاحد، هو ليس ستاد مرتضى منصور بل ستاد الزمالك”.

واضاف:” يعني ايه في ولد اسمه شوبير عيل تافه، يقول امين عمر وسمير جمال متوقفوش، الشركة المتحده خايفه منه ليه، وقالوله متجبش سيرة الزمالك، انت بتتحدى مين؟ انت عاوز توصلنا علشان نقول للشركه الراعيه شكرا، احنا الرعاه بيجيوا لمرتضى منصور والزمالك، وعلشان الشركة الوطنيه اديناهم 20٪ لكن هم جايين لنا احنا”.

وشدد مرتضى: “ممكن اقولهم معنديش نقل مباريات ولابث ولاكاميرا تدخل اي مباراة، لم نفسك يالا علشان مجيش اجيبك من بيتك عندك مصايب في الاهلي بس ابنه بيلعب هناك”

واردف: “كان لنا ضربتين جزاء امام الاتحاد وقبلها ماتش اسوان والداخلية، وحكم الفار النهارده كاتب على صفحته اشتقنا يا اهلي وجايبنه، سأقدم بلاغ للنائب العام يوم السبت المقبل ضد اتحاد الكرة بتهمة اهدار المال العام لحصول كلاتنبرج على 40 ألف دولار بما يوازي مليون و300 جنيةالبلد أولى بيهم، أقول لمحمد الأتربي لدينا لاعبين أجانب في الفريق ولا يوجد لدينا دولارت لكي نعطي لهم مستحقاتهم، نريد أن نعطي لفيريرا أمواله وللأجانب”.

واكمل:” سنطالب اتحاد الكرة بإجراء تحقيق فوري للتأكد من وجود تقنية الـVar في مباراة الزمالك وأسوان، وإذا لم تتواجد سنطالب بإعادة المباراة”.

واردف مرتضى: “أقول لفيريرا من فضلك بمنتهى الأدب والاحترام، كل واحد يلعب في مركزه ونلعب بشكل هجومي”

واشار:”كل الفرق بتشتكي من التحكيم، وجمال علام نزل من عند الوزير بعد ما الوزير قاله لن نسمح باي اخطاء اواستفزاز للجمهور، وعلام اجتمع بكلاتنبرج وقاله بنأيدك وبندعمك، وبعدها يقول كل الفرق بتدعمني ماعدا الزمالك بيهاجمني انت رجل سكران التحكيم بيعيش اسوء فتراته في وجود كلاتتبرج”.

وزاد مرتضى: “نفسي اسمعك ياحازم امام بدل ماتقطع في الرجل واللعيبه تقول الزمالك اتظلم انت وايمن يونس،شوف ولاد الاهلي بيعملوا.ايه حتئ الشيخ بيخالف ضميره علشان الاهلي، لكن انت وايمن بتخافوا من شوبير”.

واستطرد:” يعني اعلامي يطلع ليل ونهار وهو نائب رئيس فيوتشر ده مش تضارب مصالح، واحد قال زورت انتخابات وله مكالمات فاضحه وازاي يكون واحهة اعلامية”.

ووجه حديثه لجمهور الزمالك قائلا:” اقف ورا فريقك ده الوقت اللي محتاجك فيه، اقف معهم ضد القرف اللي عاملينه ممدوح عباس والخطيب وهاني زاده الكره مش عاوزه تدخل في شحر اسود العيال في رجلها رمل، ده غير التحكيم فاجر وفاسد مع رجل سكران، وزير الرياضة قال محدش يظلم وكل واحد ياخد حقه”.

واستكمل مرتضى:” ياولادنا بندعمكم، وفيريرا احنا معك ومستمر لنهاية عقدك، من فضلك متغيرش الخطه والعب بهجوم لان الفرق بتنزل خايفه منك وبتخليه يهاجمك، تكسب ماتشين الاهلي والتحكيم الفاجر احترم نفسه خلاص هترجع تاني”.

وواصل مرتضى: “قناة اون الاخ تامر صقر لما الزمالك يفوز بوزه شبرين و ولما يخسر بيفرح، انت مين يا تامر يالا ولقاءات مع كل لاعبي الاتحاد وكان الاتحاد كسب كأس العالم ده استفزاز”.

واتم:” وبكرر فيريرا قاعد لنهاية مدته ولاتفكير ثانيه في رحيله، امير بيبحث عن صفقتين اوتلاثه جامدين، سامسون ضحيه مين وشلبي والزناري والوردي، احنا جابنا احسن لعيبه بس يلعبوا في اماكنهم”.