فتح المستشار مرتضى منصور رئيس نادي الزمالك النار على حازم إمام عضو مجلس إدارة اتحاد الكرة، مشيرًا إلي أن هناك ثنائي داخل الفريق الأول يحتاج إلي إعادة حساباته مرة أخرى
وقال “مرتضى” :”هناك لقاء يوم الأحد مع الشركة الراعية وبدعوا رموز الزمالك سواء اللى مختلفين أو متفقين معنا لحضور حفل توقيع أول راعي للزمالك”.
وأضاف “مرتضى” في الفيديو الذي نشرته قناة “الزمالك” :”الحكام دول غلابه لأنهم كانوا كويسين، ولازم حازم إمام يتحاسب، وعايز اعرف ليه جابوك يا حازم في اتحاد الكرة لانك لا بتهش ولا بتنش، هو انت خدت رأينا تعيين مين في مجلس النواب علشان تختاروا حازم امام زي ماسالتوا الخطيب وعينوا حسام غالي”.
ووجه “مرتضى” حديثة لـ “حازم إمام” :”قائلا:” أنت عضو اتحاد كرة وعضو مجلس نواب وجتلك الفرصه تكشف اللي بيحصل احمد الشناوي قالك تسلل وضربتين الجزاء لا متكلمتش عنهم وماتش أسوان وماتش الأهلي وفيوتشر ما تسأله يا حازم الرجل ربنا تاب عليه”.
ووجه “مرتضى” حديثة لجماهير الزمالك قائلا:”بقول للجمهور هنصَعد وخليكم ورا فريقكم وهناخد الدوري والكاس”.
وأكمل “مرتضى” :”بداية الإصلاح الاعتراف بالغلط وعبدالله جمعه اعترف انه غلط واعتذر للجمهور وسمحناه والتزم مش هيعمل كده”.
وأستطرد:” في 2 لعيبه كمان واحد فيهم التزم والتاني حاطه تحت الاختبار الرياضي، لازم يكون فايق 24 ساعة ويحافظ على صحته ورصيده عند الجمهور، وانا اتعاملت مع عبدالله كابن مش لاعب وهو جه قال أنا غلطت”.
وأختتم “مرتضى” :”جمهور الزمالك أطمنوا هناخد حقنا كامل، نكمل الدوري أولا القرار هيكون بعد لقاء الوزير وعندي قناة شرعية وممكن أخليه نادي اجتماعي”.
