فتح مرتضى منصور رئيس نادي الزمالك، النار على محمد مصيلحي رئيس الإتحاد السكندري بسبب عدم الوفاء بوعده بشأن انتقال مروان عطيه للفارس الأبيض وبيعه للأهلي، وشدد ان مجلس إدارة النادي قرر عدم حضور لقاء الفريقين.
وقال مرتضى منصور في مداخله هاتفية ببرنامج زملكاوي عبر قناة الزمالك:” بشكر جماهير الزمالك المحترمه، في فيديو هيتذاع بكره او بعد ماتش الاتحاد للرد على مصليحي، وجبت له قصيده عبد الرحمن الشرقاوي كامله، الرجل كلمه، تاني بقول الاسكندريه محترمين، فاهم يامحمد الرجل كلمه “.
واضاف:” ستات اسكندريه محترمات بالكلمه، وهتندم ندم شديد وهتخسر علشان قولت كلمه في الاعلام ان لن ينتقل مروان عطيه الا الزمالك، انت جامد اوي كده لما تقولي الاهلي هيدفع 25 اقولك طب هدفع 30 نقولي بيراميدز 30 اقولك طيب هدفع 35 وتعمل مزاد”.
وشدد: “جايبلك بصوتك يامحمد كلامك ان النادي الوحيد للي وقف مع الاتحاد هو الزمالك، اوعى تفتكر ان اخوك اللي في اتحاد السله وسلك لك الواد ابو ضفيره في اشارة لانس اسامه هينفعك في تحقيق في اتحاد السلة
واردف مرتضى:” اخوك صاحب العزبه في اتحاد السله عمرو مصيلحي علشان بطولة السوبر، قالوا هل هنلعبها من وقت ماتوقف الماتش بين الاتحاد والاهلي، لكن لا انت عاوز يابيبو مروان عطيه هنعطيه لك ومش مهم كلمتنا للزمالك”.
واكد:” شعب الاسكندريه هيحاسب مصيلحي لانه خلف العقد وزايد على سعر اللاعب، لوكان قال مروان باعلى سعر كنت قولت خلاص لكن هو قال مروان للزمالك “.
وواصل مرتضى:” من فضلك يا استاذ محمد رجع لنا محمود علاء، ومحمود شبانه بعتنا جواب النهادره لسموحه لقطع الاعارة والشيك هيروح لهم”.
واشار: “علاقتنا بجمهور ولعيبه الاتحاد محترمه، وياجمهور الزمالك اوعى اللي عمله مصيلحي ياثر على المباراة، علاقتنا محترمه بكل الاندية مبنخرجش في عربيه ترحيلات ولا مبندخلش الاسماعيليه”.
واختتم:” ربنا يوفق ولادنا امام الاتحاد، مجلس الادارة خد قرار مفيش حد مننا هيحضر الماتش يا استاذ محمد علشان معترضين على اللي انت عملته”.
