كشف مرتضى منصور رئيس نادي الزمالك، كواليس عرض ميتلاند الدنماركي لضم إمام عاشور لاعب الفريق الاول لكرة القدم بالفارس الابيض.
وقال مرتضى منصور في تصريحات تليفزيونيه عبر قناة الزمالك: “امام عاشور عنده24 سنه، كان له عقد هينتهي السنه الجايه، وجايبه قدام مصر كلها زي ماجبت طارق حامد، البيه حسبن لبيب عمل عقد لامام وموثقوش وعلشان محترم متكلمش”.
واضاف:” من اسبوع عندي عرض الدنمارك لامام، وبقوله قدام مصر كلها اقعد وعاوزك وهنعملك عقد محترم زي زيزو، بقول لامام قدام العالم كله احنا متمسكين بك، هو له وجهة نظر وانا رافض، مفيش لاعب هيلعب غصب عنه”.
وشدد مرتضى: “انا من اسبوع رافض عرض بيع امام وفي الاخر قلت الحوار هيكون على الهوا، تاني حسبن لبيب موثقش عقده وعقده ينتهي الموسم القادم”.
واردف:” امام لوقعد ليناير يوقع مجانا وجاي عرض بما يعادل 105 مليون جنيه، بالنسبه لنا امام يساوي مليارات، هل في لاعب هيلعب غصب عنه؟ وممكن ارفض وهو في يناير يوقع لميتلاند الدنماركي مجانا”.
وواصل: “امام محترم وكان ممكن يستمر ويوقع مجانا، هعطي فرصه لامام لبكره لو قالي الصبح انا مصمم هوقع العقد وانا مبخافش من حد ومعي دكتوراه في قلة الادب هتقل ادبك هعطيك بالقديمه”.
واختتم:”اللجان كلكم كنتم مستنين الزمالك يخسر علشان نتشتم، لكن ربنا خيب ظنكم، اللي بيقولوا ان امام رايح لنادي بتاع ياسين منصور، عاوز اقولكم ان علاقة ياسين منصور بالخطيب اسوء من علاقتي به”.
