حرص المستشار مرتضى منصور رئيس نادي الزمالك على الدفاع عن أسامه نبيه المدير الفني الجديد للفارس الأبيض واحادث تآمره ضد البرتغالي جيسفالدو فيريرا.
وقال مرتضى منصور في فيديو تم بثه عبر قناة الزمالك:”انت كاره اسامه نبيه حب النادي كاره اڛماعيل حب النادي، كارهني انا شخصيا انت حر”.
واضاف: “لما تكره واحد جايب لك بطولات تبقى مرتشي، انا مش هسيبك يا هاني ياشكري وحسين لبيب انت نسيت اجرت نادي الزمالك في دبي وخربت الدنيا قبل ماتمشي، احترم سنك انت مين اصلا ولما انت تلبس بنطلون فوشيا هتبقى شاب كان يوم اسود لما عينوك”.
وشدد مرتضى:” احنا لما شوفنا ان المركب بتغرق ومفيش اصلاح تدخلنا مكنش مهم يخسر لكن كان بيعاند ومفيش تصحيح”
واردف: “اللي بيقول ان اسامه نبيه متآمر هو المتآمر بيقعد ولا بيمشي، اسامه تقدم باستقالته 4 مرات، هو رفض يكمل وقالي لا استحق المرتب نبقى نحترمهم، وقالوا لي احنا المفروض مساعدين وياخد راينا”.
واكمل مرتضى:” لما وقف اسامه وقال لحسام عبد المجيد على الكرة اللي جت جول، قاله اقعد لا احنا معندناش كده، انت بتعامله كده ليه ده كان مدرب منتخب مصر، وكان ممكن يستمر ويقول لومشيت ابني ميلعبش”.
واختتم:” لو انت رجل وعندك دم يامصليحي رجع محمود علاء، احناعلاقتنا انتهت بك، احنا متفقين مروان اللي مالوش لزمه هيطلع من الاتحاد على الزمالك مقابل محمود علاء، وانت خالفت العقد من فضلك رجعه هيلعب عندك مثلا لشهر 6 وانت بتعاند كده مش هعطيه لك، لكن لورجعته دي خطوه مهمه وتصلح اللي عملته وتطلب اي لاعب من عينيا علشان خاطر شعب اسكندريه”.
