وجه المستشار مرتضى منصور رئيس الزمالك، رساله ناريه للاعبي الفريق وذلك بسبب تراجع الاداء واقالة البرتغالي جيسفالدو فيريرا وتعيين أسامه نبيه بدلا منه.
وقال مرتضى منصور في مداخله هاتفيه ببرنامج زملكاوي عبر قناة الزمالك: “اللاعب اللي مش عجبه الزمالك يجيب عرض ويمشي، وقدام الدنيا كلها بقولهم اهو”.
واردف:” اي لاعب فاكر نفسه موظف هيتحاسب، انت مش موظف انت بتاخد ملايين مش علشان موظف بالنادي علشان تسعد الملايين، هتنكد عليهم هيتخصم منك”.
وشدد مرتضى:” في لعيبه بتموت نفسها والشوط التاني كانوا كويسين وانتم بتشتكوا انكم مبتلعبوش في اماكنكم واسامه نبيه عارف الجزء ده، مفيش لاعب مش هيلعب في مكانه مش كيميا مني، لكن ده الطبيعي”.
واكمل:” المشكله ان لعيبه مبتلعبش في مكانها والخطه بتتغير في الماتش والفرق حفظتك، اسامه متفهم ان كل لاعب يلعب في مكانه وان لاعب يقعد يصدي زي عبدالله جمعه ومحمد صبحي”.
وواصل مرتضى: “عواد من احسن الحراس في مصر لو انا بلعب سواء وحش او كويس ولوعارف ان في صبحي على الخط مش هطلع ده كده، مش هيقعد لاعب في النادي موظف”.
واشار:” الجماهير بتموت، هو مدرب اسوان والمحله في سن اسامه واصغر ومدربين واعدين”.
واكد مرتضى: “اي لاعب هيدلع هقطع رقبتك فلوس، مفيش ايقاف، اي دلع يساوي خصم، واي لاعب هيسهر ويستهتر ويجي اشاعه عنه مدي تعليمات لاسماعيل وامير يتصرفوا معه”.
واستطرد:” هيكون في انضباط واللي مش عجبه للانضباط يجيب لي عرض، وده كلام اسامه وامير والمجموعه كلها متفاهمه، لوفاروق جعفر المدرب مش هيلعب ابنه، سيف لاعب كويس ومحترم ومتربي بساله ابوك بيكلمك لما تجيب هدف يقولي لا ياكابتن فاروق دعمه”.
واختتم: “الجماهير عملت اللي عليها وسعيد بجول الاهلي دربكه وقعدت اضحك، واحنا الكره مش عاوزه تخش بالشوط الثاني عفركوش موجود، يالعيبه الزمالك كفايه على الجمهور كده”.
