مفاجآت بالجملة.. مرتضى منصور يزف بشرى سارة لجمهور الزمالك بشأن إنتعاش خزينه النادي وإعلانات القناة

أعلن المستشار مرتضى منصور رئيس الزمالك عن زيادة مقابل البث الفضائي لمباريات الفارس الابيض، بالاضافة لعودة الإعلانات لقناة النادي، وانتعاش الخزينه بملايين الجنيهات.

وقال مرتضى منصور في مداخله هاتفيه ببرنامج زملكاوي عبر قناة الزمالك:”جماهير الزمالك العظيمه اللي موتوا نفسهم بعد الخساره عارفين الجهد الي احنا بنبذله”.

واضاف:”في تجاوزات حصلت من الخطيب وتابعيه و الدوله قالتلي متردش واي حاجه غلط ابعت لان الدوله مش محتاجه تولع فانا ملتزم الصمت، احتراما للدوله المصريه مش هارد على الخطيب واسامه حسني”.

واردف: “انت عبيط يالا يا متعب اهمد اهمد ايه القرف ده، وبلاش انا”.

وشدد مرتضى: “رغم ان الجماهير ملهمش تصويت في الانتخابات، بس شايلهم فوق دماغي زي الجمعيه العموميه، ياجمهور الزمالك اوقفوا العيال دي الي هدفهم هدم استقرار النادي”.

وواصل:” كنت في اجتماع مع الشركة الراعيه زودنا على قيمة البث 70 مليون جنيه، ومبنمش وكان معي احمد وامير اللي طفاحين الدم، انتم عاوزين مني ايه انا مش شغال عند حد انا شغال عند ضميري، محدش يعرف يكسبني في الانتخابات بالنادي”.

واكمل مرتضى: “والاعلانات هتعود لقناة الزمالك اكتر من الاول، واستلمنا 16 محل، وجالنا عرضين لهم 200 مليون، وسيبونا نشتغل يخرب بيتكم، بجيب لكم فلوس بدل شريط التبرع اللي كان عمله حسين لبيب، عروض المحلات من شركات سيارات كبار دي مش فلوس تخش النادي”.

واكد:” امير النهارده لمدة 3 ساعات في اجتماع لحسم صفقه، وربنا وقفه واتفق مع النادي بتاع اللاعب”.

واختتم: “انا بشتغل بما يرضي الله انا لسه داخل بيتي حالا واحمد وامير قاعدين مع لعيبه لدلوقتي ولعيبه جامدة”.