أكد المستشار مرتضى منصور رئيس نادي الزمالك أنه لن يتدخل في عمل البرتغالي فيريرا المدير الفني للفريق الأول بعد الهزيمة أمام أسوان في بطولة الدوري.
وسقط فريق الكرة بالزمالك في فخ الهزيمة الأولى له هذا الموسم على يد أسوان، بنتيجة 2-1، في المباراة التي جمعت بينهما ضمن لقاءات الدوري المصري.
وقال “مرتضى” “:”أنا مش زي غيري هاهرب في الخسارة، لن أتدخل في عمل فيريرا ولن أجلس معه المدرب يتحمل المسؤولية حتى نهاية الموسم، ليس لدي أخطاء إدارية ولكن هناك أخطاء فنية وهذا شأن المدير الفني”.
وأضاف “مرتضى” في تصريحات لبرنامج “زملكاوي” على قناة “الزمالك”:” انا بعد الماتش زعلت ونمت ولا صرحت ولانطقت لاني حزين زي الجمهور وبعد المداخلة نقفل الصفحه علشان عندنا ماتش مهم مع الداخليه”.
وأكد “مرتضى”:” أنا لن أتدخل ولا هقعد مع فيريرا مش هفهم في الفنيات زيه دي أخطاء فتيه وهو مدرب عالمي ومهما كنت رئيس نادي من20 سنه مش هفهم زيه هو مدرب عالمي احنا لسه في الماتش الـ11 ومتبقي 23 ماتش”
وأوضح:”مش هقعد مع فيريرا أو اجتمع معاه لاني معنديش أخطاء إدارية هو المفروض يعقد يتفرج على مبارياته ويراجع نفسه”.
وأكمل “مرتضى” :”ياريت فيريرا يخلي المترجم بتاعة يدخل على صفحات الزملكاوية علشان يشوف نبض الزملكاوية وانا خايف إن رصيدة يقل عند الجمهور، وأنا مش هاجي عنده ومش هحاسب بالقطعة انا بحاسب في نهاية الموسم”.
