كشف الإعلامي مهيب عبد الهادي كواليس حديثه مع أحمد مصطفى زيزو، لاعب الفريق الأول لكرة القدم بالزمالك، وذلك على خلفية غضب الجماهير لسوء النتائج وتراجع اداء اللاعبين.
وقال مهيب عبد الهادي في تصريحات تليفزيونيه ببرنامج” اللعيب”عبر قناة”إم بي سي مصر”: “جمعني حديث مع زيرو، واكد لي انه يكن كل احترام وتقدير لجماهير الزمالك، ويشهد على كده العروض اللي جت ومجريش ورا فلوس، وكان في عرض بـ5 مليون دولار”.
واضاف:” بلاش نشيل اللاعب على الاعناق وفي ثانيه نهد كل حاجه، لاخفيكم سرا زيزو بيلعب وهو مصاب وبيتحامل على نفسه ومبيعرفش يصلي لكن عارف المسئوليه ومحترف وبيشارك”.
واختتم:” زيزو حزين من الهجوم عليه، وطريقة تسديد ضربة الجزاء مفيش فيها استهتار، رمضان صبحي سددها بنفس الطريقه ودخلت، محدش يعرف ان الشناوي هيبقى سوبر مان وصدها”.
تعليقات زوار الموقع
إتبعنا
