أكد طارق يحيى لاعب نادي الزمالك الأسبق، انه لم يهاجم جيسفالدو فيريرا المدير الفني للفارس الأبيض بل كان ينتقد طريقة اللعب في مباراة أسوان.
وكان طارق يحيى قد انتقد فيريرا بحدة بالأمس وذلك اثناء تقديمه حلقة زملكاوي عبر قناة الزمالك، وقال “انت فارد نفسك ليه، اسمع للجهاز المعاون، ليه تغير تميمة الحظ، وتغير في طريقة اللعب”.
إقرأ ايضا.. “انت فارد نفسك ليه”.. وصله هجوم ناريه من طارق يحيى على فيريرا ولاعبي الزمالك بعد الخسارة من أسوان!!-فيديو
وقال طارق يحيى في مداخله هاتفيه ببرنامج زملكاوي عبر قناة الزمالك: “بكلم لمصلحه الزمالك لان انا زملكاوي، وانا بنتقد مباراة مش بنتقد في العموم، مقدرش اتكلم على فيريرا ولا اي مدرب للزمالك بشكل وحش، بكلم ليه بنغير اسلوب لعبنا وقولت كسبنا الاسماعيلي بطريقة ليه نغيرها”.
واضاف:” هل كلامي في اساءة لفيريرا؟، انا انفعلت لان احنا غير اي حد الجمهور مش شغال جوه النادي ولا عارف الكوارث اللي فيه والازمة الماليه، انا منمتش امبارح وقاعد في القناة من2 الظهر للساعه2
صباحا، شوفت زعل الناس واللي سافرروا هل اطلع اكون هادي”.
وشدد يحيى:” في الاستديو التحليلي الكباتن اتكلموا في تغيير الطريقه، احنا بنكلم فني ومبنكلمش في حاجه انا عملت انديه مكنتش على الخريطه وبقت على الخريطه، ودربت انديه كتير، لما نكلم فني الناس تسمع لنا”.
واختتم: “انامهاجمتش حد وانتقدت طريقه لعب في مباراة للزمالك، مين انا علشان انتقد فيريرا، انا بهاجم طريقة لعب في مباراة خسرناها وخسرنا قمة الجدول”.
