![هجوم ناري من مرتضى منصور على مهيب عبد الهادي وأسامه حسني ويعقوب السعدي بسبب الزمالك!! 1 هجوم ناري من مرتضى منصور على مهيب عبد الهادي وأسامه حسني ويعقوب السعدي بسبب الزمالك!!](https://zamalek.news/wp-content/uploads/2023/01/orca-image-902391227.jpeg)
فتح المستشار مرتضى منصور رئيس نادي الزمالك، النار على الإعلامي مهيب عبد الهادي ونظيره يعقوب السعدي، وكذلك أسامه حسني لاعب الأهلي السابق وزوج نجلة محمود الخطيب رئيس الأهلي.
وقال مرتضى منصور في فيديو تم بثه عبر قناته على اليوتيوب: “القطار الخاص بنقل جماهير الزمالك لاسوان هيطلع الساعه9 مساء الاحد، والسكه الحديد اخدت الفلوس بالكامل، وقولت اسعاد الجماهير اهم من لم الملايين”.
وشدد:” بناء على طلب اهلنا في بني سويف والاقصر واسيوط والمنيا وخط الصعيد، القطار هيقف في المحطات دي، لانه قطار مخصص للجماهير علشان اللي معهم تذاكر يستقلوا القطار، احلام الجماهير اوامر مش كلام كريم ابوحسين، القطار كله مكيف وروسي جديد”.
واضاف مرتضى: “لقيت عيل تافه ابومراته حرامي ساعات، قولنا احترموا نفسكم علشان نحترمكم لكن اخدتم على ضرب الجزم مني، وعاوزين اسامه جلال وابراهيم عادل من بيراميدز وبتتريقوا عليهم وبيقول الاسيوطي، سالم الشامسي هيديك ازاي 2 لعيبه وبتتريق عليه”.
واردف:”ياعبيط عاوز تنضرب بالجزمه انت واللي مشغلك وبتاخد200 الف جنيه، وبيقول احنا مش زي النادي اللي عليه80 مليون لاتحاد الكرة، ياتافه ياللي متربتش، احنا كل لما نسكت يقلوا ادبهم، بتتريق علينا، انت عيل تافه واللي مشغلك تافه هواحنا هنلاعبك علشان تتكلم علينا، اتريقت على بيراميدز وانت عاوز لعيبه من عنده اكتب لنايا ابني على كل اسوار النادي لافته الزمالك نادي القرن الحقيقي”.
واكمل: نسيبك بيقولك الناس اصحابنا بالامارات، ويايعقوب ياسعدي انت بتلم له فلوس، اقسم بالله ماهسيبك الا متلبس، اقول للناس بتعمل ايه انت ومحمود الخطيب لما بتجي مصر”.
واشار مرتضى: “كان عندنا ماتش طايره امام الاهلي وخسرنا، والرياضه هنكسب ونخسر مش مشكله، معندناش محترفين، واستقبالناهم احسن استقبال، وهم ضربوا العيال الصغيره اللي اد احفادنا، والبيه معملش، اصل انا بيبو وانت تافه وعايش في دور انك اقوى من الناس بالدوله ودي مش حقيقه بص في المراية والتاريخ، وكل شويه تقول الزمالك الدوله معه وهم بيحلوني ويسقطوني خليها معك انت مش عاوزه معايا”.
واكد:” يا كل الدوله احنا بنسكت بيقلوا ادبهم، بيفتكروا السكوت خوف وعلشان الدوله والاحتقان،مين بيعمل احتقان، انت عندك ماتش مع نادي تاني بتحتك بيا ليه”.
وتابع مرتضى:” يامهيب عبد الهادي ابعد عن الژمالك ومدربين ولاعبي الزمالك، خليك في البلاط واقعد بلط،دي شغلتك، انت كنت مراسل”.
واختتم: ” بشكر زملكاوية اسوان محبه للزمالك ممكن يكون انتماء او بسبب شيكابالا او اسماعيل وابراهيم. يوسف واحمد الكاس ومحمد منير، كانوا عاوزيني اروح اسوان، بس انا ممنوع من السفر، لوعاوز اروح اي بلد هاروح لكن انا ساكت وفي فمي حياء ولو تكلمت سأقول كل شئ”.