كشف المستشار مرتضى منصور رئيس نادي الزمالك، حقيقة طلب البرتغالي جيسفالدو فيريرا المدير الفني للفارس الأبيض، التعاقد مع مروان عطيه لاعب الإتحاد السكندري.
وقال مرتضى منصور في تصريحات تليفزيونيه عبر قناة الزمالك: “بقول لجمهور الزمالك العظيم خلي العيال الصغيره تهمد شويه، انتم بتاخدوا لاعب ورا لاعب، محمود علاء دمرتوه و مشي وزكريا الوردي ومشي واوباما ومشي، ودلوقتي سامسون”.
واضاف:” مروان عطبه كان لاعب مغمور في نظري، هل هو دونجا؟، ولا عبدالله السعيد؟، ده لاعب عادي، وكلام ان فيريرا طلبه ده غير صحيح”.
وشدد مرتضى:” كلمت اخويا محمد مصيلحي وهيفضل اخويا ومحدش هيوقع بيني وبين شعب الاسكندريه، الاتحاد نادي عظيم، بسبب ضغط الجماهير والترويج للولد، محمود علاء وصل لمرحله مش طايق الكرة وكلمني مصليحي وانا والله عمري ماكنت شوفت مروان عطيه، قولتله انا مش هاخذ منك فلوس وعاوز مروان عطيه مقابل علاء، وقالي لما ابيعه هبيعه للزمالك، وخليه معي في يناير او نهاية الموسم”.
واردف: “ودايما بقول الرجل كلمه وموقف، كنا عرضنا على الاتحاد10 مليون لضم مروان عطيه، وطلبوا 12 مليون و2 لعيبه اعارة ووافقنا”.
واوضح مرتضى:” كلمني اول امبارح مصيلحي وقالي لسه ماشي من عندي محمود الخطيب وعدلي القيعي والاهلي عارض 25 مليون و4 لعيبه لضم مروان عطيه وبيراميدز30 مليون، قلتله احنا متفقين على12 مليون جنيه و2 لعيبه، قالي فكر، رديت بان الزمالك لاحد يقدر يبتزه اويدخل في مزاد، ورجع قالي هات لي رغبه الواد”.
واشار:” انا مضيت مروان عطيه عقود ورغبه ولو لعب في اي نادي غير الزمالك هوقفه، ماهو انا مش هتقرص مرتين انت اخدت الواد ابوضفيره وهقدم انك قولتلي تفاوض”.
واكد مرتضى: “كلمني النهارده مصيلحي، وقالي عملت ايه؟، رديت بان العقد بتاع الولد معيا وهبقى رجل برياله لو دفعت25 مليون بعدماكانت موافق بـ12 مليون، هولسه ممضاش في الاهلي وعامل مزايده وقولت الرجل كلمه وقرار، مفيش لاعب انت طلبته ومش وافقت علي انضمامه لللاتحاد”.
واكمل:” هسيب جمهور الاسكندريه يحكم عليك لانه لاهيقيدم ولاياخر للزمالك، ووقت ما تكلمت مكنش عندي خط وسط وعندنا دلوقتي دونجا وامام عاشور وروقا وعمرو السيسي، مروان ده مش عبدالله السعيد ولادونجا”.
واستطرد: “بقول للجمهور الزمالك مبيخشش في مزاد مع حد والسوشيال ميديا مبتحركنيش، مروان لما وقع كان عاوز 5 مليون ودلوقتي 15 مليون، شكرا يا استاذ محمد الزمالك مش طرف ولودفعت اللي بيطلبه ابقي عبيط”.
وزاد:” خليك مع الخطيب خد زياد طارق، احنا مش طرف خلاص، الزمالك اكبر انه يخش في مزاد ممكن ادفع 25 مليون، لكن ليه والاول كنت هدفع 12 و2 لعيبه ودلوقي عاوز25 مليون و4 لعيبه، انا مش هادخل ف مزايدات”.
وشدد:” “مقدرش اجيب لاعب كان بـ12 مليون واصبح بـ25 مليون وبيطلب 15 مليون اكثر من زيزو ده اسمه اهدار مال عام، هنئيا لك يامصيلحي بس محمود علاء يرجع لان ماخدتش فلوس انا وافقت ان. اعطيك علاء مقابل مروان عطيه”.
واختتم:’الناس اللي زعلانه،مصليحي رجع في كلامه، والرجل موقف، اللاعب لحد للان ممضاش مع الاهلي لان زياد طارق رافض يدخل في الصفقة، لكن انا مش في الصفقة، ومحمود علاء يرجع ومش معناه ان في خلاف مع مصليحي واسكندريه وشعبها محترم”.
