“هو انا كل أسبوع همشي لاعب”.. رسالة ناريه من مرتضى منصور لجماهير الزمالك بسبب فيريرا والفريق!!!

وجه المستشار مرتضى منصور رئيس نادي الزمالك، رساله نارية لجمهور الفارس الأبيض بسبب انتقادهم الحاد للاعبي الفريق والمدير الفني جيسفالدو فيريرا.

وقال مرتضى منصور في تصريحات تليفزيونيه عبر قناة الزمالك: “احب اقول لاوباما على الهوا احنا محتاجينك، وهو حاسس انه مالوش دور لان الرجل مبيلعبش برقم 10، لكن فيريرا بيحبه، وبقوله لاخر مره انت لـ3 مرات بتكون عاوز تمشي واقعدك هل هنجح في ان اخليك تقعد”.

واضاف:” دي رؤيه الجهاز الفني في رحيله، وانا مقتنع باوباما بيلعب رقم10 لكن مقدرش اقول ولا ادخل في الامور الفنيه، بقول لبعض الجماهير ده اوباما اللي زهق منكم هو لاعب كبير وجاب بطولات وكفايه الكونفيدراليه زي ما جول محمد عبدالغني هيجيب لنا الدوري”.

وشدد مرتضى: “ان شاء الله تلعب وتتالق وترجع بيتك، بقول للعيال السفله مش كل اسبوع همشي لاعب محمود علاء وبعده الوردي واوباما، مفيش جمهور بيقيم ماتش بماتش ومحدش يقيمنا وحضرتك جمهور لك عندي صفقات وبطولات”.

واكمل:” لكن تقيم كل لاعب ومدرب، لايابابا بالجزمه خد فلوس من عباس والعتال وهاني شكري وعبدالله جورج خد منهم وملكش دعوة بالنادي، مفيش جمهور محترم بيطفش في اللعيبه والمدرب كان في انتخابات وكفيتهم كلهم على وشهم”.

واختتم: ” أنا شامم ريحة الدوري جاية، والفريق يقدر يحصد اللقب للموسم الثالث على التوالي وندعم البرتغالي جوسفالدو فيريرا المدير الفني”.